رأيت أني مع مجموعة من الأشخاص ومعنا جثة شخصين نقوم بدفنهم

السلام عليكم حلم اني في مكان بالليل زى صحراء فى التربه رمل اصفر وكنت مع مجموعة أشخاص حوالي ٥ وزى ما يكون معانا شخصين مقتولين ميتين ومكفنين وطالبين مني ادفنهم ومعانا الكوريك بتاع الحفر وانا في حالة كرب وحزن ومش عايز بس واحد فيهم بيامرني ولازم انفذ ابتديت احفر بضعف من الحزن وجه باقي المجموعة تساعدني في الحفر ووضعت الجثتين بجانب بعض قليلا ووضعنا الرمل عليهم بس هما وقفوا وانا قلتلهم نكمل عشان محدش يكشف الجثث وكملت لوحدى وبعدين قلت احط عليهم روث الحيوانات عشان محدش يكتشفهم وانا بضع روث الحيوانات من جردل على الرمل فجأة ظهر مجموعة غنم وكان فيه غنمه سوداء تقف على قدمين وزي ما تكون هتنطحنى برجلها من امامى وفجأة جت مجموعة من الذئاب البيضاء تهجم على الغنم وعلينا والناس اللي معايا جريت وانا كمان جريت على منزل لقيته مش بعيد عن الحفرة والناس اللي في البيت كانت بتجري وهيقفلوا الباب لاكن انا لحقتهم وفتحولى باب المدخل وكان المدخل منور وواسع بس مردتش ادخل مسكت الاكرة بايدي وزى ما اكون عايز اشوف اللي هيحصل او اواجه الذئاب خلصت الرؤيا فما التفسير ( الرؤيا صباح يوم الجمعة والناس اللي في الرؤيا معرفهمش خالص ولا اللى ادفنو ا حتى مع العلم اني كان عندي دعوتين كنت بدعيهم من زمن كبير جدا ويئست من الاجابة وقلت خلاص هنساهم عشان كانوا سبب في تقصير في التزامي مع الله كل ما افتكر انهم متحققش حاجه منهم ولما صليت الجمعة بعد الرؤيا الجامع كان مليان واضريت اصلي بره على الرمل الاصفر ودي اول مره تحصل انا شاب اعزب 32 سنه واعاني من هموم لا يعلمها الا الله