صورة علم Jordan
من مجهول
منذ سنة 7 إجابات
1 0 0 1

كيف أوصل لزوجي أن أهلي تضايقوا من علاقته بزوج أختي؟ (1)

السلام عليكم....هاي تاني مره بكتب مشكلتي ...المره الاولى لم تطرح في الموقع. ..بتمنى هالمره انه يتم طرحها لاني بحاجه ماسه الى نصيحه من الخبيره ميساء النحلاوي لاني برتاح لارائها........مشكلتي تحتاج لسرد الماضي واعتذر مقدما على الاطاله....قبل 3 سنوات صارت مشكله كبيره بين اختي وزوجها...ضربها ضرب مبرح واختي ضلت عند أهلي 4 شهور... خلالهم زوجها واهله اذوها واذوا اهلي كثيراااا ...لدرجة انهم اتهموا اختي بشرفها وحدثت صراعات واحداث كتيره ...كلها كانت تثبت انه زوجها واهله لئيمين وما الهم امان والقاصي والداني فهموا


وعرفوا ان اختي واهلي انظلموا بس كانوا على قدر عالي من الاخلاق والحكمه بهديك الظروف...حصل شد وجذب ومحاكم وقصص كتيره بالنهاية اختي قررت ترجع بيتها مشان اولادها..ومن وقتها ما في اي تواصل بينها وبين اهل زوجها وبين زوجها واهلي يعني مقاطعه من الطرفين...قبل اقل من سنه ...لاسباب معينه اختي رجعت العلاقه بينها وبين اهل زوجها بطريقه تحفظ كرامتها وكرامة اهلي...وصارت تزورهم بالمناسبات الرسميه فقط...وهم مازالوا مقاطعين اهلي..وزوجها كمان مقاطع اهلي وحتى ما بيحترمهم بمواقف كتيره صارت ....الى هنا كانت جذور المشكله.... من لما بدات المشاكل وقبل 3 سنوات بدا زوجها واهله يتقربوا من زوجي بطريقه واضحه جداااا...حتى زوجي كان ملاحظ تقرباتهم منه وحاس انهم بيتوددلوله...مع الوقت توطدت العلاقه بين زوجي وزوج اختي وصار زوجي يحترمه جداااا ويعتبره انسان شبه مثالي على الرغم من انه اله بعض الاخطاء بالتعامل مع اهلي الا انه متل ما بيحكي ''ما في انسان كامل''...مع العلم انهم ''زوجي وزوج اختي''في السابق كانوا ما يلتقوا الا عند اهلي وكانت علاقتهم رسميه ...الا انهم بعد المشكله الي صارت قويت علاقتهم كتير وصاروا يلتقوا شبه يومي ويطلعوا ويسهروا وزوجي يزوره ببيته وببيت اهله ....باكتر من مره كنت اعبرله عن عدم ارتياحي لقوة علاقته مع زوجها واهله كان دايما يستهجن وجهة نظري ويصر انه ما في اي مشكله او اسائه لاهلي بهاي العلاقه ولما اصر على وجهة نظري بيعصب وبينهي النقاش.. ...والمشكله انه لما مكون عند اهلي بيقعد بكل سذاجه يحكي عن طلعاتهم وطشاتهم ومواقف صارت معهم ...على الرغم انه عارف كل تفاصيل اسلوبه لاني بتعمد احكيله عن كل مواقف عدم احترامه لاهلي المستمره لليوم **انا متاكده تماما انه زوجي ما اله اي نوايا جرح او عدم احترام لاهلي **...بتمنى تكون وجهة نظري واضحه الكم ....اخر موقف صار كان اول ايام العيد....كنا عند اهلي ((انا وزوجي واختي الاولى واختي التانيه مع زوجها....)) كنا مبسوطين وتغدينا وقعدنا بالصدفه زوجي فهم انه(( زوج اختي الاولى)) عند اهله-- اختي حكت انها مرت على اهل زوجها زياره قصيره عايدت عليهم وبعدها نوجهت الى اهلي وزوجها طبعا ضل عند اهله،،، طبعا متل ما قلتلكم انه زوجها ما بيزور اهلي من 3 سنوات مقاطعهم تماما حتى لما اهلي يزوروا اختي ببيتها بيطلع من البيت مشان ما بدوا يشوفهم!!!...زوجي بس عرف انه عند اهله قرر انه يروح يعايد عليه ببيت اهله واصر(( على زوج اختي التانيه)) انه ييجي معه!! مع انه حاول انه يتهرب بس زوجي اصر عليه وكان واضح النا انه زوج اختي كان احتراما لمشاعر اهلي ما بده يروح ...بس زوجي شبه احرجه بالحاحه واضطر يروح معه....بس طلعوا تمنيت الارض تنشق وتبلعني انحرجت من اهلي.. كنت اسمعهم بيحكوا عن الموضوع وانا بالغرفه القريبه منهم الموقف جرحهم كتير وانصدموا من زوجي لانهم بيحترموه كتير وبيحبوه بس استغربوا عدم مراعاته لمشاعرهم...روحته لعند هدولاك فيها احترام وتوجيب هم ما بيفدموه لاهلي ...يعني لو حاب يروح ما كان لازم يبين هالشي قدام اهلي...اهلي ما حبوا يحرجوني وما حكولي اشي بس كنت اسمعم بيحكوا مع بعض لما اكون مو قاعده معهم...ولما روحنا عالبيت بلشت احكي مع زوجي بهدوء عن اني تدايقت من الي صار ...انهى النقاش مباشره وحكى انه ما عمل اشي فيه اساءه لاهلي. ..رجائي اني الاقي طريقه واسلوب صحيح لاوصل لزوجي مشاعر اهلي ومشاعري...وكمان طريقه صحيحه احكي فيها مع اهلي بهالموضوع ..اتمنى من اهل الخبره في الحياه والخبيره ميساء النحلاوي تنصحني ...وياريت تعرضوا مشكلتي المره هاي لاني بحاجه لنصيحه اتصرف فيها بعقلانيه وبدون تهور...وشكرا جزيلا

أضف إجابتك

صورة علم United States
السؤال التالي