خائفة.. والدة خطيبي تتحكم بتفاصيل حياة أبنائها

سلام عليكم انا مقيمه في البلد وتزوجت رجل من اولاد نفس البد المهم هو مطلق بدون أطفال صبور جدا وهادئ ويصلي بالمسجد ولايدخن وشديد البر بأمه جلست معه فتره الملكة ٦شهور فقط وتطلقت ماقدرت أتحمل لاحظت من زياراته لما يجئ يزوروني مايطول عن الساعتين الا أمه تتصل عليه أو أحد من أخوانه يبغوه يرجع البيت وايضاً لما يتصل علي فقط في وقت دوامه مايقدر يكلمني في البيت إلا نادرا هذا الشئ كان جدا واضح ولما ضغت عليه ليش لما تكلمني في بالبيت تطلع السطوح قال والله أمي ماتبغاني أكلمك تقول ماراح تسعدك ووو والله راح أخر زواجك وكمان نهائيا ماكان يقدر يطلب نطلع برع نتمشئ حصلت مره واحده وكانت أمه معنا بالخرجه كان جدا طيب معي مايرد لي طلب نهائي ويرسل لي مصروف شهري وو وبعدين اكتشفت فيه اثنين من أخوانه مطلقين وحالتهم قريب من حالته والمشكله الكبرى اللي توصلت لها أن أمهم غيوره جدا تبغ أولادها جنبها واكتشفت فيه صفه البخل وكمان استحقارللغير جنسيتها حاليا أنا خايفه يرجع يتصل لأهلي حتى لو بعد مده ويطلب يرجعني من جديد آيش تنصحوني إذا صار لي مثل هالموقف ارفض على طول أم أتوكل على الله وأتزوجه