هل أقبل أن تعيش ابنتي على أثاث قديم أم لا

فرحه ابنتى ام العفش السلام عليكم انا سيده عمرى 45 سنه وعندى ولدين وبنتين بنتى الكبيره 22 سنه جميله ومتعلمه وبتشتغل بس مالهاش حظ اتخطبت اربع مرات لكن مافيش نصيب المهم اتقدم ليها واحد جارنا محترم وكويس وهو موافقه ومبسوطه جدا والحمد لله لما بقى جينا نتفق على التفاصيل والده العريس اتفقت معانا ان احنا علينا غرفه النوم فقط مع طبعا جهاز العروسه وهما باقى العفش احنا وافقنا بس ظروف جوزى ماسمحت اننا نجيب غرفه النوم ف الوقت دا لانى عندى بنتى التانيه مخطوبه وانا بجهز الاتنين المهم ام العريس قالت انا هجيب غرفه النوم بعد اسبوع اتصلت قالت انا جبت العفش وفرشته تعالوا شوفوه روحنا بس اكتشفنت انها جايبه غرفه النوم بس جديده لكن باقى العفش مستعمل وعرفت انه كان عفشها هى استعملته فتره بسيطه وجددته دلوقتى انا مش عارفه اعمل ايه اوافق على العفش دا ولا اقولهم لازم عفش جديد مع العلم ان بنتى موافقه ومبسوطه وبتقولى العفش جميل انا بجد محتاره ان اكسر فرحه بنتى اللى المفروض فرحها بعد شهر ولا اتنازل واوافق مع العلم ان الحمد لله بنتى مش قليله ارجوا الرد سريعا وبعتذر على الاطاله وجزاكم الله كل خير