حماتي حشرية بطريقة مستفزة
من مجهول
تاريخ النشر: 19-11-2018 10 إجابات
انا متزوجه من أشهر و بعاني من حماتي لأكثر من سبب الأول انها في يوم الصباحيه (ثاني يوم زواج) انتقلت للسكن معنا ببيتنا مع انه للعلم عندها بيت مستقل و عندها من يهتم فيها و المشكله وقت جيتها ببدايه حياتنا الزوجيه مش تصبر شهر ع الأقل او أسبوع ثاني شي انها حشريه بشكل مش طبيعي كنت افكر بالأول انه مش متعوده عليها فبحسها هيك بس طلعت جدا حشريه و حكيها سيء كالفاظ و كمواضيع و المشكله ما بتحكي قدام زوجي بس بتحكي و هو طالع و بتدخل بحياتي و بلبسي باكلي طريقه طبخي لهجتي بكل شي بتعلق عليه ثالث شي لما اكون انا و زوجي لحالنا بتدور أسباب من العدم لتخليه يروحلها مثلا لما يروح من دوامه بروح بسلم عليها و بقعد معها شوي بعدين بفوت ع غرفتنا و بغير و برتاح اذا فات لحاله ولا ممكن تناديه بس اذا فتت معه بتناديه ع اتفه سبب مثلا تناديه مشان تعطيه حبه شوكولاته او تناديه يكب الزباله او تناديه تساله عن أشياء لو تاجلت عادي مرة نادته تساله عن وين انا حكالها جوا طلعت اشوفها صارت تحكي لا بس كنت بدي اشوف وينك بيوم عطلته من 7 بتبلش تدق ع باب غرفتنا من غير سبب ولو سألتها ليش بتحكي مشان اصحيكم بدري احسن مع انها كانت عايشه لحالها و تطرد اي حد ييجيها حتى الصغار فعليا بتحب الوحده كتير و هاد معروف عنها عند الكل بس ما بعرف ليش بدها اياه يضل معها طول الوقت رابع شي بتضلها تهين اهلي بالحكي بكتير شغلات مع انه مو تفاخرا بس اهلي كلهم متعلمين حتى جدودي متعلمين و دكاترة و مهندسين و انا دكتورة و الحمد لله الكل بشهدلنا باخلاقنا و الحمد لله الله منعم علينا بالرزق اما اهلها فاغلبهم مو متعلمين و بعيدين كل البعد عن الدين خامس شي بتستغل طلعتي لأي مكان انها تغير في الدار بأشياء جدا مو حلوة بكون رتبت و طلعت بتغير ع مزاجها سادس شي بتكذب كثير بتضلها تالف قصص و تحكيها و تشبك مرات بيني و بين زوجي سابع شي بتخربلي طبخاتي عمدا يعني بعد ما اخلص و اطلع من المطبخ بتروح تحط مي او ترش ملح او ترش فلفل او اذا بالفرن بتزيد المؤقت و الحرارة نفسي اعرف ليش هاد غير عن انه ممنوع اعمل طبخه جديده لازم بس الطبخات التقليديه ثامن شي و هي أكثر شي قاهرني انا من عادتي اقعد خلال النهار ساعه مع نفسي فبس اخلص كل شغلي بقعد بتختي ساعه ارتاح هي بتفكرني نايمه بتضل واقفه ع الباب لتتأكد اني نمت بعدين بتدخل بتلف بالغرفه بتوقف قدام مرايتي و ع التسريحه و عند خزانتي بعدين بتروح نفسي اعرف ليش مره عملت حالي نايمه و صحيت و هي جوا و سألتها شو بتعملي حكتلي ولا شي كنت بدي أشوفك اذا نايمه يلي ذكرته ولا شي من التصرفات يلي عليها عمالها بتخرب حياتي من اولها و رح تخرب بيتي و مو قادره احكي لزوجي لأني من النوع الكتوم و حتى اذا تجرأت و حكيت هي بتنكر و بتبلش تعمل حالها مريضه قدام زوجي فما بعاتبها مع انها بصحتها و بتمشي مسافات و بتحمل شغلات انا الصبيه ما بقدر احملها يعني انا تعبت و زوجي تعب بطل يحب يروح ع البيت من وراها و مو عارفين نتصرف رجاءا ساعدوني رح تخرب حياتي
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
-
الدكتورة سناء مصطفى عبده اهلا بك يا ابنتي وان شاء الله ربنا بيعينك والحقيقة ان الأمر صعب ولكن لم توضحي لي هل هو ولدها الوحيد ولا يوجد لها اولاد او بنات غيره؟ الامر الثاني اين زوجها؟ وماذا حدث في بيتها القديم الذي كانت تسكنه؟ ومن الذي كان يعينها في امور البيت وقتها؟؟ وانت دكتورة ولا ادري هل تعملين ام لا؟؟ يجب ان اعرف اجابات هذه الاسئلة لاعرف كيف اعطيك الجواب، ولكن انتبهي ان لا تحبلي الان لأن الوضع غير مستقر وهذه نصيحة ثمينة لن تقدري قيمتها الان، الا ان تستقري وترتاحي تماما وتتأكدي ان هذه هي الحياة التي تريدينها حتى لا تكوني مرتبطة بأمور اخرى معيقة لك. يبدو ان وضعها غير طبيعي فقد اشتعلت في نفسها وبدون وعي قضية الغيرة بان هناك امرأة اخذت ابنها الذي كان يعيش معها وربما هو الأصغر وقضى اطول وقته معها، فتلاحظين ان كل تصرفاتها تريد ابعاده عنك، وحتى عندما تدخل الغرف تكون تريد ان تكون واثقة من ان هناك امرأة اخرى في حياة ولدها غيرها، وهذه حالة نفسية وبما انك دكتورة انا انصحك ان تبحثي لها عن علاج لتريحيها، واعلمي انها لا تريد تخريب بيت ابنها بل بدون وعي وبحالة نفسية تعتقد انه لها ولها وحدها فقط، حاولي ان تتحدثي معها بمعرفتك وتحاولي ان تأخذيها لطبيب لتعرفي حقيقة وضعها على مستوى الصحة النفسية وتعينيها، يا ابنتي ستصبحين ام في احد الايام وستفهمين هذه المشاعر لاحقا، لا تظلميها بل ساعديها وتكلمي معها وتقربي اليها، ولا تدخلي زوجك بالموضوع الا ان اصبحت حقا غير قادرة على المتابعة، اكسبي أجر فيها وان شاء الله ربنا يعوضك خيرـ واتابع معك بعد ان تردي على اسألتي، وفقك الله وبانتظارك - 0
- اعجبني
- .
- اضف رد
- .
- عرض الردود
- .
- 20-11-2018
- من مجهول والله مشكله ربي يكون بعونك حبيبتي حاسه فيكي بس لازم و ضروري ترجع على بيتها كرمال تعيشو براحه و على كيفكم بدون ما حدا يتحكم فيكم ازعلي و احكي ازوجك بدي حل احسن ما تخرب حياتنا بسبب تصرفات امك اما ترجع على بيتها أو نحنا نروح على بيتا هيك الحياة ما بتمشي بكره يصير عندكم ولاد بتصير العن من الاول بس حاولي تحكي معو بكل هدوء و تفاهم وان شاء الله تلاقي حل لانو فعلا صعب كتير يلي عايشتي
![animate]()
من مجهول اذا كانت تفعل كل هذا فبالتأكيد في عقلها شيء ما غير معلن، او تريد فعل شيء، ولذلك عليك ان تستوعبي ذلك، واخبري زوجك بكل ما يحدث وخيريه من ان نتغير امه معها او انها تترك بيتك ؤ فهو حقك لان هذا زواجك انت وليس زواجها، ولا مانع من عودتها لبيتها خاصة وانها صحيحة وتجد من يعينها 
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
مقالات ذات صلة
فيديوهات ذات صلة
أسئلة ذات صلة
مقالات ذات صلة
احدث مقالات قضايا اجتماعية
احدث الوصفات
4.75
طريقة عمل حلى كرات الشعيرية السهل والسريع
5 دقيقة 5 اشخاص 68 سعرة حرارية متوسطة3.2
طريقة عمل كيكة الجيلي الباردة
15 دقيقة 5 اشخاص 176.4 سعرة حرارية سهلة4.722
طريقة عمل حلويات سهلة بدون فرن وبثلاث مكونات
10 دقيقة 10 اشخاص 203 سعرة حرارية سهلة2.966
طريقة عمل آيس كريم بدون سكر
15 دقيقة 3 اشخاص 637 سعرة حرارية سهلةاحدث اسئلة قضايا اجتماعية
اسئلة من بلدك
احجز استشارة اونلاين
