صورة علم Egypt
من مجهول
منذ 6 شهور 4 إجابات
0 0 0 0

خطيبي يحلل لنفسه كل شيء ويحرمه على غيره

السلام عليكم ورحمة الله وبركاتة انا انسة اتخطبت لواحد ازهرى فى كلية أصول دين حسيت فى بعض مواقف منة فى بداية الخطبة انة مش كويس زى انة اما يسلم عليا يضغط على أيدى فانا قلت يمكن اعجاب زيادة بس المفروض دا انسان ازهرى وميسلمش اصلا وبعد كدة فى مرة كان عندنا باسنى بالعافية فطبعا زقيتة وكرشتة من البيت وقعدت مكلموش لفترة وقعد يقولى انا حادخل المحراب بتاعتى وماستغفر ربنا وشوية كلام كدة بس مكنتش مقتنعة وبعدها سامحتة واتكلمنا فون بدا يقولى قوليلى بحبك ووحشتنى والكلام دة وانا مبعرفش ااقولة وبعد كدة الزيارة اللى بعدها حاول يحضنى بالعافية وطبعا أنا صديتة لانى مبحبش الحاجات دى وأما بدأت ااقولة الحاجات دى حرام لانى لااحل لك يقولى بعمل كدة عشان تتعودى عليا وناخد على بعض لانى شايفك بتعاملينى رسمى وفعلا انا بعانلة رسمى خالص بسلم علية بالايد بس زى الغريب قعدنا كدة يجى شهرين فقالى عمرنا كدة ماحناخد على بعض لكنى مش مقتنعة بكلامة وكل اللى مقتنعة بية أن الحاجات دى حرام لانى لاااحل لة وجيت مرة قلتلة بما انك راجل ازهرى وجة حد يستشيرك انة يعمل كدة مع خطيبتةولا حتقولة حرام ولا حلال لقيتة رد عليا رد بدون تردد حقولة حرام طبعا وحسيت منة انة بيبرر لنفسة الغلط وبيحلل لنفسة الحرام ويحرمة على غيرة وطبعا مسكتش على كدة فى كل مرة يجى زيارة لازم يعمل حاجة يحضنى أو يمسك ايدى وطبعا فى كل مرة بصدة فأنا دلوقتى مخنوقة قوى مأساة ضلالة ميعرفش ربنا بيقول قال الله وقال الرسول رئاء الناس فقط لكن من وراء الناس يحلل لنفسة اى حاجة ودى لمستها فى تعاملات معاة فأنا مخنوقة قوى ومش عارفة اعمل اية هل انا ظلماة وممبرة الموضوع ولا انا على حق ودا بيحصل عادة بين المخطوفين وحتى لو بيحصل عادة بين المخطوفين المفروض هو ميعملش كدة لانة امام وخطيب وبيوعظ الناس بالحلال والحرام لكنى لمست منة انة بيحلل لنفسة اى حاجة وبيبيح لنفسة اى حاجة فأنا فى حيرة من امرى هل اتركة لهذا السبب ام لا وهل انا محقة فى قلقلى من هذا الشأن ام لا ارجوكم افيدوني فأنا أشعر بخنقة وضيقة كل اما افتكر مواقفة معايا ومواعظة للناس اللى بيعمل عكسها اينعم الموضوع متطورش اكتر من بوسة وانا رفضتها وحضن وبردوا وقفتة عند حدة وكمان كلام التليفون وضعتلة حدود لكن بتكلم على أن بدر من هذا التصرفات وهو إمام وخطيب ويقوم بموعظة الناس عن الحلال والحرام افيدوني جزاكم الله خيرا فأنا أشعر بخنقة وضيقة وفى حيرة من امرى هل اتركة ام اكمل معة ولكم عنى خير الحزاء