ما حكم كثرة الزواج

ما حكم كثرة الزواج فانا عمي رجال مقتدر وراعي سفريات ورحلات وبنات ومن عشرين سنه كان يسافر لبلدان كثيرة والحمد الله بعد ما هداه الله والتزم وترك طريق الحرام قرر انه يتزوج وتزوج 11 مره صار الزواج عنده متعه يتزوج واذا ما عجبته او ما يتفق معها يطلقها بدون اي سبب عمي تزوج 11 مره وعنده 27 بنت وولد وطلق 7 مرات ناداني ابوي وقال انت معزوم على زواج عمك والعشاء الليله والحفلة عائلية في وقتها قررت اني افاتحه بالموضوع واحاول انصحه يمكن يترك هالطريق ويستقر بحياته

جلست جنبه ليلة الزواج وهو لابس البشت ومستانس وسألته الى متى ياعم وتاليتها معك جاوبي وقال اسمع وانا عمك حنا عالم حريقة وربي منعم علي بدل ما اقعد اخبص أو تحوم كبدي من حرمتي القديمة اخذ وحده جديدة والقديمة حقها محفوظ بيتها موجود وسواقها واولادها عندها واعطيهم الي يبون تبي تقعد معهم حياها الله واذا تبي تروح بكيفها لكن هذي حياتي وابي اعيشها بطول وعرض ودام صحتي موجوده وربي منعم علي والشرع محلل لي محد له كلام معي ناظرت فيه وانا منصدم من طريقة تفكيره وما عرفت وش بقول