صورة علم Saudi Arabia
من مجهول
منذ 7 شهور 9 إجابات
0 0 0 0

استخرت الله حين خطبت وحينما تطلقت وهذا ما حصل معي

السلام عليكم .. ابغا كلام يحفزني و يعطيني طاقه .. انا انخطبت من ولد خالتي عمرو 26 وانا عمري 18 ومره انبسطت و كنت اتمنى الزواج و انو الزواج حياه حلوه وورديه ويوم الشوفه صليت الاستخاره و حسيت بقبضه قويه ف قلبي بس كنت صغيره ما افهم وفي نفس الوقت كنت متحمسه ابغا زواج ابغا انزف و اكون عروسه و شخص يحبني كتبنا الكتاب و ماحسيت انو مره انجذب ليا بالمختصر احسه في عالم ثاني كنت اشوف صحباتي و اشوف البنات


المتماكات 24جوالاتهم ماتنزل من اذنهم و رسايل انا العكس كان ما يكلم الا من اسبوع لاسبوع ثقيل وكذا مره اطلب منه اهتمام و كذا بعدها تزوجنا و الشهور الاولى حسيت بحبه وبعد 4شهور زواج حصلت مشكله عشان سنابي و طلبني احذفه معنو ماعندي شي بس فكره البرامج نهائياً ما يحبها بعدها اكتشفت انو ينواصل مع بنات ومع اولاد برضوا وانصدمت صدمه عمري و بعدها اكتشفت انو يحشش ..هذي كلها في السنه الاولى من الزواج ..ولعدها بدأت مشاكلنا هوا انسان جداً عصبي واناني الصراحه مايحب احد يقةله سوي كذا ولا كذا بعصب ما اعرف كيف اوصفلكم بس شاكه انو عنده مرض نفسي وغير كذا اول ما تزوجني ترك وظيفته الحكوميه و راح ف شركه .. اشت ضغط نفسي بإسلوبه و مع دراستي اللي مو عاجبته معنو يعرف قبل لا ياخذني انو ادرس في الجامعه وفي الاعياد مشاكل مايبغا يوديني اعيد ع اقاربي بحيث انو عادي ولازم عليه اعيد اهله واقاربه بس ع قولته انا ما اودي و اجيب غير بيت امك و فعلاً قد كلامه استمريت 3سنوات زواج وكان كل مشكله سبحان الله اتذكر القبضه حقت الاستخاره ..كانت تنبيه من ربنا انو الشخص خذا ما يصلح لك .. وانا ما انكر نهائياً في ايام حلوه معاه و كريم جداً معايا بس اسلوبه مسسستفز مره ومستحيل يطلع غلطان انا دايماً في كل مشكله غلطانه و 24 ساعه برا البيت في استراحه اولاد عمه الخراب هذي و البيت ماخذه وقت النوم فقط .. و المشكله شخصيتي خوافه مو قويه وماقصرت معاه في شي نهائياً وربي شاهد عليه دلعته دلع ع الاخر في تفس الوقت ماقدرت اخذ حقي كلامه يجرح شويه يحسسني انو انا مالي اهميه عنده تعبت ووصل حدي وحصلت مشكله وصح هيا تافه بس خلاص قدني مضغوطه من اول وقلتله ابغا اروح بيت اهلي وطبعاً رحت بيت اهلي و تركني شهوووور لا مصروف لا سؤال ولا شي ابوي كلمه اهله ووينه ماجاء و يستهبل ما يجي ومايبغا الا هوا بكيفه يعني حتى لما صارت المشكله هوا غلطان بس مستحيل يعترف وقلب الهرجه كلها عليه وطلعت انا الغلطانه ..المهم حصلت احداث كثيره وبعدها هوا قرر الطلاق بعد الامور ماتعدلت خلاص قال ابغا اطلقها و استخرت في الطلاق و سبحان الله تيسر طلاقي بسرعه في اسبوع خلص و غير كذا حسبت براحه وقت الاستخاره عكس لما صليتها يوم الخطبه .

أضف إجابتك

صورة علم United States
السؤال التالي