صورة علم Jordan
من مجهول
منذ 7 شهور 23 إجابات
0 0 0 0

أنا الجاهلة الوحيدة بين أهل زوجي

اشعر بالنقص لاني لم اكمل تعليمي درست للصف السابع الفصل الاول فقط ولما اتى وقت الفصل الدراسي الثاني غبت عن المدرسه فترة اسبوعين ولما رجعت عشان اداوم المديرة بدها تخليني اعيد السنة وانا متاخرة عن المدرسة سنة وكان في كتير عنصرية بالمدرسة بسبب جنسيتي مع اني متواجده بالبلد يلي عايشه فيه حاليا من لما كان عمري سنة تقريبا بس لما صارت أوضاع بلدي لاقيت عنصريه كبيرة من معلمه ومن المديره فقررت اني ما اعيد السنة وتركت دراستي بنص السابع وقتها كنت


صغيره وما كنت بعرف مصلحتي وما كنت بعرف اني رح اندم المفروض انو اهلي ما يخلوني اترك المهم تركت وقعدت بالبيت كبرت مليت زهقت اهلي كتير متعصبين ممنوع وممنوع وممنوع..... حاولت ادخل على مركز تعليم انكليزي ممنوع اتعلم تجميل ممنوع اشتغل اي شغله ممنوع كلشي ممنوع وممنوع اطلع من البيت من وانا عمري 12 لل 18 سنة وانا بالبيت بالتنظيف وبس وكلشي ممنوع حتى تلفون ما كان معي بالاخر اهلي جابولي تلفون بس ممنوع خط وممنوع فيس وممنوع صاحبات لما صار عمري 19 اتزوجت زوجي محاسب واهلو كلهم متعلمين وزوجة اخوه متعلمه ومخلصة دراسة ومعلمة انكليزي وخواتو بيدرسو يعني انا الجاهلة الوحيدة بينهم صح ما كملت تعليمي بس من وقت ما كنت صغيرة قراءة وكتابة مية مية ومعلوماتي مية مية انا ما بشوف حالي جاهلة لانو بنظري الدراسة بتعطي الواحد الشهادة بس مو بالضرورة انها تعطيه العقل بس كتير بندم اني تزوجت وحملت مسوؤلية احيانا بحكي لو ما كنت هلا حامل كنت رح اطلق واعمل اي شي كان نفسي فيه دايما بحس حالي مخنوقه مكسوره ما عندي حدا افضفضلو او احكيلو مالي حظ باي اشي بالحياة وحياتي مالها معنى لسا انا ما طبقت ال 19 سنة حامل بالشهر الخامس وحاسة انو حياني عم تتورد ضوي لاني حامل مستنيه بنتي تجي ع الطريق رح اخليها احسن الناس وكلشي كان نفسي ادرسو واعملو رح احطو فيها بس بدون ما اضغط عليها باي شي رح اتركلها الحريه وربيها احسن تربية واخليها انجح واحسن الناس ورح افرجيهم بنت الجاهلة شو رح تطلع وشو رح تكون

أضف إجابتك

صورة علم United States
السؤال التالي