سرقت زوجها والغيرة تدفعني لانتقام أكبر

add_commentأضف إجابتك

thumb_downلم يعجبني0

سرقت زوجها والغيرة تدفعني لانتقام أكبر

مرحبا.. أنا إنسانة مظلومة بمجتمعي والكل بيكرهني رغم طيبة قلبي.. قصتي باختصار مع بنت خالتي.. هيي إنسانة مغرورة وأنانية وما بتفكر إلا بحالها، والمشكلة إنها من صغرنا كانت مدللة أهلها وشو ما بدها بيحضر أما أنا لأ، هي كان عندها رفقات كتير وأنا لأ، وهي كانت شاطرة بمدرستها وأنا لأ وهي كانت تتلقى المدح من المعلمات وأنا لأ، ودايما حياتها أحسن مني.. كنت دايما قول معلش الله ما بيظلم حدا.. بما اننا بالصغر هيك فأكيد لما نكبر الله رح يعطي المظلوم حقو ورح يكافئني ويعاقبها ويبعتلها رجال يظلمها وأنا يبعتلي رجال يدللني، وبعدين يا جماعة الخير اجتني الصاعقة إنها انخطبت وأنا لأ، والمشكلة إنها انخطبت لشب بتحلم فيه كل بنت رغم إنها ما بتستاهل وأنا المظلومة بين الناس الله ما عوضني بس عوضها إلها طيب ليش ليش!!! ليش بيعطيها إلها وإلي لأ!! بس كنت واثقة إنو الله رح يعطيني شب أحسن من خطيبها (لأن كل تأخيرة وفيها خيرة) بس المشكلة إنو ما حدا عم يفكر فيني أبدا رغم إني أحلا منها. بس بعدين لما هيي تزوجت وأنا كبرت بالعمر ولسا ما حدا دق بابي قلت خلص لازم اتحرك واعمل شي فهيي من كتر ما كانت توثق فيي وتحكيلي عن زوجها قمت حبيتو لأني بتمنى هيك شب خاصة انو بيحبو بعضهم كتير كنت اتمنى كون محلها ويكون بيحبني هالحب إلي أنا، خاصة إني كنت بعرف إنها ما بتستاهل شب متلو لأن أنا اللي بستاهلو لأنو هو شب طيوب ومظلوم متلي فحاولت كتير إني خليها تأمنلي وتدخلني بيتها بوجود زوجها كرمال اتقرب منو وخليه يحس إنو في حدا بيشبهو بالطيبة وفعلاً هيي كانت تعتبرني إختها وواحدة من البيت وأنا صرت حاول اتقرب من زوجها من دون هي ما تعرف وهو كان يرفض بالبداية ويهددني إنو ما رح يخبرها لحتى ما ينزع علاقتي معها بس لو عدتها رح يخبرها بس لما صرت إلبس شغلات حلوة ومغرية صار يتجاوب معي خاصة إنها كانت مأهملتو بفترة وفاة والدها وحبني كتير أكتر منها وصار يشوفني أحلا منها وكنت دايماً اسألو مين أحلا أنا أو هي يقلي طبعا إنتي وإلا ما كنت حبيتك عليها وبعد فترة طلبت منو يطلقها ويتزوجني لأن بضل اتخيل حالي عايشة ببيتها ونايمة على تختها لأني بستاهل هيك عيشة. بس هو رفض وقلي ما فيني طلقها بس أنا زعلت منو وقلتلو لساتك بتحبها قلي ما بحبها بس هيي طيبة وبتحبني وبتحبك ليش حتى طلقها دامها ما عملتلنا شي؟ صرت اغويه لحتى يطلقها وقلتلو إنو هوي بيستاهل وحدة متلي أنا، صح إن الكل بيقولو إنها حلوة بس أنا بشوف إني أحلا منها وزوجها كمان هيك بيقلي، وهي كل الناس بيحبوها لأنها منافقة وبتجامل الناس كتير أما أنا صريحة واللي بقلبي على لساني لهيك مظلومة (اللي قلبو طيب بهالزمن بينظلم) بحس حالي بستاهل عيش عيشتها وبعد فترة انخرب بيتها وطلقها وصارت سيرتها على كل لسان وتزوجني أنا وصرت غنية وبعمل شوبينغ وبشتري ماركات وصرت نام بغرفتها وعلى تختها وحتى صرت إلبس تيابها وعملت لون شعري متلها بس مع هيك بضل حسو لساتو بيحبها رغم اني بحاول احكي بالمواضيع اللي هي بتحكي فيها وبحاول اعمل حركاتها كرمال يحسني متلها بس هو لهلأ بيتذكرها والمشكلة إنو يا جماعة تخيلو بيحكي عنها بالخير قدامي من دون مراعاة مشاعري ولما كان متزوجها كان يخاف على مشاعرها ويراعيها أكتر، بجي رح جن وموت من الغيرة بس بسكت منشان ما يقول عني نكدية، بس بحس تعبانة نفسيتي ومالي مرتاحة وبعدين لما عرفتها انخطبت لحدا تاني جنيت أنا، انو كيف هي هيك بتكمل حياتا من دون ما تنظلم متل ما أنا انظلمت (أنا توقعتها تبقى مطلقة وتغار مني لأني متزوجة هيك شب غني وطيوب ووسيم) بس انصدمت إنو خطيبها أحسن من جوزي بكتير وأنا صرت متزوجة واحد أقل من زوجها؟؟؟ يا جماعة كيف فيني انهي خطبتها بأسرع وقت لأنها قربت تتزوج، بتطلق من جوزي وبطلب السماح منها كرمال تترك خطيبها وترجعلو؟ أو هي الطريقة مانها فعالة؟ أنا قلت لجوزي إنو لازم نخرب عليها وننتقم منها بس هو رفض وقال إنو هوي ظلما كتير وما حابب يظلمها مرة تانية ودعالها بالتوفيق. معقول ترجعلو لو تركتو؟

add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • خبيرة تطوير الذات د. سناء عبده
    خبيرة تطوير الذات د. سناء عبده verified_userاهلا بك يا سيدتي واكاد لا اصدق ما قرأت من هذه القصة، واستغرب ان من قارنت نفسك بها ودمرت حياتها و حياتك لأجلها طوال هذه السنين هي بنت خالتك وليست اختك ولا علاقة بينكما ولا مجال للمقارنة بينكما، ومع ان المقارنة ممنوعة منعا باتا حتى بين الاخوات. يا سيدتي اعتقد ان عندك مشكلة نفسية وهي عدم القناعة وعدم الرضا بما بين يديك، وتريدين دوما ما بيد غيرك، ولو قدرت الان لطلقت زوجك وارتبطت بخطيبها ولو عادت لزوجك لطلقت الثاني وعدت للاول وستبقين حياتك تركضين لاهثة وراء ما تأخذه هي وفي هذا تأكيد ان معاناتك لن تنتهي وانك تشعرين دوما بدونية وقلة ثقة بنفسك وتدني مستوى نظرتك الذاتية مقارنة بها بالتحديد. وشعرت انك تترممين على ما تتركه، وتريدين تدميرها في كل الوقت، يا سيدتي انت لست مظلومة ولم يتم ظلمك الا بامور وافعال من يدك، ولكن بدون شك انك ظلمت بنت خالتك بان اخربت بيت امرأة وثقت بك وكنت سبب طلاقها والاساءة لها، وتزوجت زوجها، والان تسعين لتخريب بيتها، ولم تنتبهي الى كل الرسائل ب إِنَّ اللَّهَ لَا يَظْلِمُ النَّاسَ شَيْئًا وَلَٰكِنَّ النَّاسَ أَنفُسَهُمْ يَظْلِمُونَ ، يا سيدتي ان اردت التفكير بامر الان فهو ان تستيقظي من غفلتك، وتطلبي الرحمة وتستغفري ربك وبما انك مقتدرة ماديا عالجي نفسك عند اخصائي فانت بحاجة ماسة للعلاج واهتمي ببيتك وبزوجك وادعي الله اني تقبل توبتك ويوفقك.
  • صورة علم Tunisia
    صورة علم Tunisia
    مجهول
    هي فتاة مضطربة نفسيا تحتاج علاجا نفسيا مكثفا.... غيرتها من ابنة خالتها ورغبتها الشديدة في ان تكون هي.... افقدتها ثقتها في نفسها لدرجة كرهها لشخصها... هذا الكره الذي بطريقة ما رأته في اعين كل من يحيط بها.. جعلها تحمل مسؤوليته لابنة خالتها.... وانقلب كرها لنفسها ولابنة خالتها ليصبح هوسا بها وبكل تفاصيل حياتها.
  • صورة علم Saudi Arabia
    صورة علم Saudi Arabia
    مجهول
    حسبي الله على الظلم... ليش؟ ليش يا اختي ليش؟ ليش ما خليت البنت في حالها، خربتي بيتها و باقي تبين تخربي بيتها مرة ثانية؟ سلامات
  • صورة علم Saudi Arabia
    صورة علم Saudi Arabia
    مجهول
    اذا القصة صح ،اتصالحي مع نفسك واطلبي منها السماح لأنك بوجهين
  • صورة علم Saudi Arabia
    صورة علم Saudi Arabia
    مجهول
    لا حول ولا قوة إلا بالله العظيم, من يقرأ رسالتك يدرك تماما معنى الغيرة والأنانية والحسد وهو تمني زوال نعمة الغير, انت لست مظلومه انت ظالمة لبنت خالتك, هي محبوبة عند الجميع لأنها طيبه ومراعية للمشاعر ،هي وثقت بك وغدرت بها وتدعين انك مظلومة, في النهاية قدر الله لها زوجا افضل ممن تركها وأتمنى لها حياة سعيدة موفقة، رغم عما فعلتي لا تزالين تخططين لتخريب زواجها, تذكري كما تدين تدان
  • صورة علم United States
    صورة علم United States
    مجهول
    والله انتي الي ظلمتيها و الله جزاها خير على صبرها
  • صورة علم Bahrain
    صورة علم Bahrain
    مجهول
    توبي الله توبة نصوحة
  • صورة علم Egypt
    صورة علم Egypt
    مجهول
    فوقي لنفسك قعدت طول ما انا بقرا ادور عالأذى اللي أذتهولك..وملقتش غير أذى وحقد منك انتي ! ادعي الله يسامحك عاللي عملتيه واعتذري منها واطلبي السماح على تخريب زواجها لكن الله رزقها بزوج افضل من اللي قبله لانه شايف اللي بيحصل..متخدعيش نفسك كتير عشان انتي بتأذي نفسك بس وانتي بتجري ورا السراب..وادعي ربنا يشيل الحقد من قلبك
  • صورة علم United Arab Emirates
    صورة علم United Arab Emirates
    مجهول
    ركزي في حياتج بس وتركيها في حالها تعيش حياتها ... و على نياتكم ترزقون
  • صورة علم United Arab Emirates
    صورة علم United Arab Emirates
    مجهول
    اقرا القصه ابغي ادش فالتليفون واذبحك الله يكون بعون اهلك والله هذا اللي تزوجك اهبل كيف طلق زوجته عشان واحدة مثلك تتسلل فالبيوت وتعرض جسمها وتغري رجل حرام انتي مب مظلومه والله يكفينا شر الله حرم علي نفسة الظلم وحرمه علينا بعد الله اسمه الحق العدل ..وبيعطي كل انسان علي قد نيته..وانتي الله يرزقك علي قد نيتك ان شاء الله..
صورة علم United States
أضف إجابتك على السؤال هنا