زواجي وسر جلسة الربع ساعة

السلام عليكم ورحمة الله وبركاته بدي استشيركم بشغلة مهمة كتيييير بالنسبة الي وهي اختيار شريك الحياة انا بنوتة عمري 21 سنة بدرس بالجامعة سنة ثالثة رياضيات ضل سنة وبتخرج ان شاء الله من الجامعة هلأ مشكلتي بطقوس اهلي للزواج يعني اهلي عاداتهم وتقاليدهم للزواج تقليدي يعني تيجي ام العريس وتشوفك وتقول تمام بيوجي تاني يوم مع العريس بقعد معك ربع ساعة تقريبا فقط مشكلتي في هذه الجلسة كيف انا بدي احدد شريك الحياة اذا منيح او لا بهذه الربع ساعة ايش بدي اسئله فيها كيف بدي اعرف ايجابياته سلبياته اذا عصبي او لا اذا نكدي او لا على شغلي على حضانة الاولاد اثناء شغلي على التربية وعلى المزاجية على طبيعة البيئة الي رح اعيشها كل هاد بدي احدده بربع ساعة كونه انا بختار وبحكي اه موافقة مش بس كونه زوج لي بس لا هو رح يكون كمان اب لاولادي ولازم اختار صح لانه اهلي بعد هاي الجلسة بس بسألوني ارتحتيلي او لا ؟؟ بس هاد السؤال بسألوني طيب انا اذا ارتحتلوا بكون كل الاسئلة الي فوق ايجابية ؟؟ طبعا لا !! كلها ربع ساعة يا جماعة الخير لانه بعدها اذا قلت اه ارتحتلوا خلص بعدها العريس ما بشوفه بصيروا العيلتين يسألوا على بعض واذا سمعتهم كانت منيحة ومن عيلة محترمة ببلشوا باجراءات الخطبة ( الفحص ما قبل الزواج والاتفاق المهر وهاي القصص انا بحكيلكم من خبرة قلي 3 خوات متزوجات انا مشكلتي هلا مع قعدة الربع ساعة الي رح تحدد كل مستقبلي ومستقبل اولادي الي جاي كيف بالربع ساعة رح اجاوب على كل الاسئلة الي في بالي ؟