تفرقة أبي في معاملة أخواني أضعفت العلاقة بينهم

السلام عليكم قرات في احد المرات اذا كانت لديك مشكلة فلا بأس في ذكر من تسبب المشكلة الله يرحم الوالد فرق بين اخواني اخوي الاكبر انظلم وصل الامر انو المرحوم يغلط عليه امام الناس ويوجهله كلام جارح احنه في جميع الاوقات اتذكر هذا حالنا الا نادرا الوالد كان ما يسمح أحد يعارضه او يناقشه حتى امي دوم ساكتة واذا حجينه النتيجة سلبية كنه نشوف الغلط ونظل ناكل بكلبنه مو بايدنه شي الوالد يشوف نفسه شيتصرف صح نكدر احنه نكعد سوية وناقش بكل هدوء مثلا والدي يسال اخويه شنو تشوف تصرفاتي وياك اخوي بنفس الوقت يكله انه جاي اعاني من كذا وكذا حتى لو كان قصدك حرص وتريد مصلحتي وهذي الاباء دائما يوقعون بيها الا ما رحم ربي وياخذ والدي راي والدتي ومن الاكبر للاصغر سواء بنات او ولد ماكو فرق وبعدين هذا كله يرجع الاب يراجع تصرفاته ويصلح الوضع وهذا ما صار عدنه لان ما انطانه فرصه الوالد مجرد تحجي تطلع ابوك غلطان هجي يفتهم الوالد واذكر انو ما ياخذ راينه لدرجة انو مرات يكول صديقي كال فلان ونصحني هجي فليش ما ياخذ راينه انطيني مئاحة اعبر عن نفسي ليش تهمشني وطلعني ما افتهم وبالاخير راح تقوى علاقتنه ويزيد التقارب وافتهم انك مهتم بي كانسان اما اخوي الاصغر كان ع العكس ابي منحاز اله لدرجة من كنه صغار انه واخوي الكبير والدي نذر انو يجيب ابن ثاني وهذي راح تبقى في نفسيتي طول ما انه عايشه عندك اثنين اطفال ليش تنذر وتتمنى ولد ثالث واحنه اعمارنه متقاربة اخوي الصغير يصغرني بخمس سنوات ويكبرني اخوي الاصغر بسنه اخوي الصغير كان الوالد يوكف وياه ع الصح والخطا يمدح بي سواء سوه شي او لا ودوم مقارنات بين اخواني النتيجة اخوي الكبير مسؤول كايم بشغل البيت يحترم بس متسلط خذه شخصية ابوي واخوي الصغير اناني معتمد ع اخوي الكبير ما يقبل احد يحجي وياه ونار اعصابه وما يحترم وامي ما راضية عليه امي تنصح بيه ما ياخذ كلامهه كلت لامي كليله انه ما راضية عليك ولابد تغير تصرفاتك بكل برود هسه يبدي الدوام وبعد ما اتاخر يم اصحابي او اكثر طلعاتي ومرة من المرات تاخر اخوي الكبير اسلوبه شوي قاسي بالكلام بس هوه قصده خير اخوي الصغير المفروض يفرح جيه اخويه خايف عليه وجاي يكلمه هوه اخذ كلامة بصورة سطحية وما فطن شنو الي خلاه هيج يحجي ما كال ميخالف اخوي الكبير وهوه المهم نصحني ما يهم اسلوبه فانه تعبت اريد اوفق بين اخواني وينصلح بالنه وامي تعبانه من وره اخويه وانه من احجي يكلي مالج علاقة لا تحجين واخر مرة هددني يطكني وحتى كال مرة انهيكم تره مو عبالكم راح ابوي يمكن اكول هوه عصبي وما يقصد بس الي مخوفني اكثر من مرة يكول انهيكم وهذا بيت ابوي اخوي الكبير بحاجة لحنان واحترام وعطف وانه جاي اتعامل وياه عهل الاساس اما اخوي الصغير حايرة وياه فلا تكلولي تعاملي وياه بحزم ابد ما يتفاهم هوه ومدام هددني ففعلا راح يسويها واذا ضربني راح يلومني انتي السبب مو كتلج سكتي راح ادعي لاخواني ما بيدي شي والله العالم بالحال وبنفس الوكت اخوي شلون اخذ شخصية ابوي لان عامله مثلا زين اخوي ما يكول هل الشي خطا شلون اطبع باطباعه خايفة باجر يعامل جهاله بنفس ما كان والدي يعامله