صورة علم Egypt
من مجهول
منذ 3 سنوات 34 إجابات
0 0 0 0

علاقتى بزوجتى مثل اى بيت فى الوطن العربى

السلام عليكم.انا متزو ج منذ 10 سنين ورزقنى الله بثلاثة ابناء.علاقتى بزوجتى عاديه مابين التفاهم والمشاكل مثل اى بيت فى الوطن العربى.زوجتى عصبيه وسريعة الغضب.هى انسانه فاضله من بيت طيب متدينه بدرجه كبيره جدا والامور تمشى بشكل طبيعى منذ عامين اضطرت للعمل للمساعده فى نفقات الاسره.وللاسف منذ حوالى 6 شهور لاحظت بعض التغييرات عليها مثل العصبيه المفرطه وعدم تقبل العلاقه الخاصه مطلقا والتهرب الدائم منها. اصبحت تفتعل المشاكل لاتفه الاسباب ولا تقبل اى توجيه او نصيحه حتى صارحتها انتى مالك فيه

ايه مش قابلانى ليه للدرجادى المشاكل اللى بيننا ماتستدعيش كل اللى بتعمليه ده.فهدأت قليلا. منذ 3 شهور وبالمصادفه باقلب فى جوالها فوجئت بمحادثه شات مع واحده حاطه صورة راجل قلت يمكن واحده تستحى تحط صورتها فحطت صورة زوجها او خطيبها.دفعنى الفضول انى اقرا المحادثه فتاكدت ان زوجتى تتحدث مع رجل.كان كلام عادى مافيهوش حاجه.بدأت اراقبها من بعيد فوجئت انها تتحين سفرى او خروجى وتحدث اتصالات تليفونيه بينهما.ورسائل الشات وصور الموبايل الفيس بوك والواتس اب بدأ يظهر فيها اعجاب بين الطرفين.قررت انى اتقرب منها واغدق عليها بالحب والرومانسيه والفسح لاقصى درجه لعلها ترجع لصوابها.وبدأت اذكرها بالله وعدم جواز وجود اى علاقه

بين امرأه ورجل وهكذا ولم اجد فى الامور اى جديد.استمرت الاتصالات والشات على الفيس والواتس.واجهتها بما عرفته انكرت كل شيء ومع الضغط اعترفت انه زميل فى العمل وان العلاقه لم تتعدى كلام الموبايل والشات.واقسمت انها لن تعود الى ذلك ابدا.سامحتها وبعد عدة ايام فوجئت باتصال بينهما واجهتها انكرت وكذبت ولما وريتها دليل على الاتصال اعترفت انها غلطه ولن تعود لذلك.سامحتها واحتوتها اكثر واكثر وبعد فتره فوجئت برساله منها اليه واجهتها وكالعاده كذبت على وانكرت ومع الالحاح قالت انه اعطاها هديه وانها كانت بتشكره عليها فى الرساله. ههدتها بالطلاق ذرفت الدموع وقالتلى مش ممكن اسيب البيت والاولاد خد فلوسى وذهبى وموبايلى بس سيبنى اعيش معاكم خدامه اربى عيالى واستر عليا واقسمت على المصحف انها لن تكرر اى اتصال به.وثقت فيها وسامحتها للمره الرابعه المهم من بعدها انصلح حالها معى واصبحت مطيعه لاقصى درجه وتتودد الى وتحرص على عدم اغضابى استمر لمدة شهرين زى الفل .ولكن دوام الحال من المحال تغير اسلوب حياتها اصبح كل وقتها تستمع للاغانى وكانت تكره سماع الاغانى فى الماضى اصبحت مدمنه عليها فقلت فتره نفسيه وتعدى واستمر الحال.من اسبوع فوجئت بتغيير منها ناحيتى بدأت اراقبها مجددا فوجئت ان لديها حساب اخر على الفيس بوك ولما واجهتها قالتلى بتاع واحده صحبتى قلتلها اسمها ايه تلعثمت وبعدين قالتلى صحابى بياخدو الموبايل منى كتير ومش عارفه.طلبت منها تكتب الباسوورد بتاعة الحساب ده واقسمت بالله انى هاعتبر كأن شيئا لم يكن ونبتدى صفحه جديده.اقسمت هى بالله انها مش صفحتها وماتعرفش الباسوورد بتاعتها.قلتلها انا شايفك وانتى داخله على الحساب الرئيسى للصفحه اكتر من مره يعنى انتى اللى معاكى الباسوورد قالتلى ماحصلش ومش معايا الباسوورد.دخلت على صفحة هذا الشخص فوجئت انها بتعمل اعجاب وردود على بوستاته من هذا الحساب الجديد منذ شهر ونصف.وفى الاخر قالتلى لو انت شاكك فيا لحد دلوقتى طلقنى بس سيبنى اعيش مع عيالى وروح اتجوز تانى وانا مسمحاك ومش زعلانه منك وانا اسوا انسانه فى الدنيا وانت ماتستاهلش واحده زييى وربنا يعوضك باحسن منى.حسيت منها انها خلاص ماعندهاش حاجه تدافع بيها عن نفسها بعد كل مره تكذب عليا فيها واكشف كذبها قدام نفسها ودلوقتى مش عارف اعمل ايه؟اطلقها وافضحها امام اهلها ولا ننفصل بهدوء بدون مشاكل ؟بس مصير الاولاد ايه مش ذنبهم حاجه؟ ولا اروح اتجوز غيرها يمكن تلم نفسها وتحس بالندم للمره الاخيره وتكف عما تفعل.افيدونى لانى اتعذب واشعر بالمهانه والضياع وفقدان الثقه بكل الناس من حولى.

أضف إجابتك

صورة علم United States
السؤال التالي