صورة علم Jordan
من مجهول
منذ 26 يوم 16 إجابات
0 0 0 0

خسرت نفسي بسبب طفولتي القاسية

خسرت حالي اول شي بدي اشكر موقع حلوها لانو اعطنا فرصة لتنفيس عن مشاكلنا ، راح احكيلكم قصتي احنا بنعرف الخساره كتير متل خسارة فلوس خسارة قريب بس انا خسرت حالي انا كنت فتاة كتير بريئة وطيبة بس الي شفته بحياتي خلاني وحده تانية ونفسي ارجع زي ما كنت بس مش قادره عشت طفولة كتير صعبه ولهلأ بدفع ثمنها انا امي تركتني وانا صغيره وبعدها ابوي مات وعشت من بيت لبيت ( بيوت الاقارب)اسوأ ايام حياتي كنت بتعامل كأني خدامة بزبط


حتى كنت بنام زي الخدمات على الارض واصعب شي بدنيا لما تحس انك اعد عند حد وهو مدايئ منك وبتزكر طفولتي كنت لما بنام كنت اطبطب على حالي واحضن حالي وكنت ممنوعه من الدراسه وكنت لما ادرس اصحى بليل وافتح الشباك وادرس على ضو الشارع المهم هاي الحياة خلتني اختار غلط وارمي حالي على اي واحد يتزوجني عشان بس يكون عندي بيت وما ارجع للعيشه الي كنت عايشاها زوجي شخص متلسط ولسانه طويل ومستفز وما عنده مشكله يهني بجميع الطرق ضرب سب عنف تكسير انا صار عندي ردة فعل وصرت اي كلمه بحكيها برد عليه اذا ضربني برجع بردله الضربه بلشت احس اني صرت زيه لانو كمان اتعرضت لعتف بطفولتي حتى صرت عصبيه وهاي مش طبيعتي وانا ما بدي اثر على ابني انا تعبانه ونفسي ارجع زي ما كنت صرت اكره الناس وصرت انطوائيه وما عاد عندي ثقة بحدا حتى فكرت اعمل الاشياء الي بحبها عشان افرغ طاقة بس زوجي مش مخليني اعمل شي وخايفة اطلق ارجع لنفس الحياه مو عارفة شو اعمل هو واقف بطريقي وكمان انا ما عدت صغيره صار عمري ٣٤ مع اني جامعية وخلصت دراستي بصعوبه وعلى فترات لاني كان عندي طموح بس ما راح افوت بقصتي كيف درست عشان ما اطول عليكم ساعدوني

أضف إجابتك

صورة علم United States
السؤال التالي