لا أستطيع التأقلم مع الناس لأني خائف أن يعلموا أني أتيت من الملجأ

add_commentأضف إجابتك

thumb_downلم يعجبني0

لا أستطيع التأقلم مع الناس لأني خائف أن يعلموا أني أتيت من الملجأ
شاب 27سنة تربيت بدار رعاية ايتام منطوي جدا ومنعزل عن الناس لاسباب كتيرة اولها التربية في الدار لانها كانت سيئة جدا بخاف من زمايلي الاكبر مني لأنهم كانوا بيشربوا حاجات حرام وسرقة وبنات وكانوا بيضربوني لاني مش بوافق أعمل زيهم كنت بخاف منهم مش كنت بختلط باي احد في الدار كنت بجلس بعيد عنهم في اخر العنبر وربنا رزقني بموهبة في الرسم على الزجاج والحمد لله ملتزم ومش بسبب أي فرض وبخاف من ربنا ومن صغري في حالي مليش اختلاط باحد دائما بمشى لوحدي بروح أي مشوار او للدراسة لوحدي مش ليا أي اصحاب كنت بختار دائما الوقت اللى الشارع يكون فاضي عشان بحس ان كل الناس بتنظر ليا بخاف ان احد يعرف اني من الملجأ والله حتى طول ايام الدراسة زمايلي كانوا يسخروا مني في الفصل ويقولوا عليا جيت الدنيا بالحرام وروح دور على امك واسألها مين يكون ابوك نفسيتي بتتعب من نظرات الناس ليا كنت برجع الدار واقعد لوحدي في الظلام وابكي اشتغلت في اكتر من مكان اشتغلت في زهراء مدينة نصر ومناطق كتير في القاهرة واشتغلت فى اكتوبر واشتغلت في العاشر من رمضان والسادات واشتغلت في المنصورة ورحت مدن كتير أي شغل بلاقيه طالما حلال مفيش فيه أي غضب لربنا بشتغله وكل ما احد يسخر مني او يتريق عليا ويجرح كرامتي اسيب الشغل واهرب واروح ادور على شغل في مكان تاني اشتغلت في دهانات الارصفة مع مقاولين واشتغلت في افران عيش واشتغلت في مطاعم وعامل نظافة وورش ومحلات فاكهة وبغسل سلالم وانظف شقق طلبة عزاب واعتمدت على نفسي كافحت كتير جات عليا ايام كنت يبكي من البرد لغاية ما كملت تعليمي والحمد لله حصلت على بكالوريوس تجارة مشكلتي مش عارف اعيش وسط الناس مش عارف اتأقلم معاهم دائما بخاف ان احد يعرف اني من الملجأ لما احد بيسخر مني بتخنق بسرعة وببكي في الظلام اعتبروني زي اخوكم ازاي أحل مشكلتي وخائف اروح لدكتور نفسي
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • خبيرة تطوير الذات د. سناء عبده
    خبيرة تطوير الذات د. سناء عبده verified_userاهلا بك يا ولدي روبي يرمي في طريقك اولاد الحلال ويبعد عنك الحرام واهله وما شاء الله عليك انت كانسان رائع ولا تؤخذ بذنب اهلك، يا ولدي ان كنت قادرا ان تعرف من امك وتندل منها على ابيك وتسجل رسميا باسم ابيك يكن خيرا وحتى لو لم تأخذ منه شيء، وان لم تكن قادرا على هذا الأمر اتمنى عليك ان تنسى صفحة الماضي نسيان تام وتطوي الصفحة بكل ما فيها وتذهب لمكان بعيد وتبدأ من جديد ولا تخبر احدًا بماضيك ولا اصلك ولا فصلك ولك ان تواري في الأمر ولا تقول الحقيقة ولا احد يحتاج منك ذلك، فانت رجل وقوي ومؤمن ومتيقن بان الله سيرزقك الخير اينما حللت، يا ولدي يجب ان تعمل على تقوية نفسك وتقوية همتك ولا تخاف ولا تبكي، لا ينقصك امر ولا يعيبك امر وما اقترفه والديك من ذنب انت لا دخل لك به، بالعكس فانك فرع صالح من العائلة، اتمنى لو تقدر تبحث عن اهلك على الاقل لتشعر ان لك عائلة وحتى لو لم تختلط بهم. وان لم تقدر يا ولدي جد لك رواية مقنعة لتستخدمها وصدقها ولا تقول بغيرها لتعطيك القوة كرر في نفسك كلمات ايجابية، انت رائع وانت قوي ومكافح، وملايين ابتعدوا عن اهاليهم وتركوهم وقد يكونوا ماتوا في حادث او انفصلوا او الاولاد قرروا الخروج هناك حالات كثيرة وانت فقط من يجب ان يكون قويا من الواقع ولا تخاف الناس ولا تخاف غيرك فانت افضل منهم وافضل من كثيرين حولك، ابق متعلقا بحبال الله وسيعطيك ليرضيك، لا تخف كن قويا واكرر اعمل على تقوية ذاتك لتواجه الحياة ولا تبح باخبارك لاحد، لعل الله يرسل لك يد تمتد اليك لترفعك وتقدرك. واعلم ان الناس تراك كما ترى نفسك، كن قويا وربي يوفقك
animate
  • صورة علم Egypt
    صورة علم Egypt
    مجهول

    حبيبي كلامك قطع قلبي ولمسني من جوه . انا ليا اهل بس كأني ماليش ابويا اتجوز غير ماما وخلف وعاش لولاده وقال علينا اننا مش ولاده  عمره ماسال علينا وعيلة الاب هيا نفسها عيلة الام عمرهم مازرونا انا واخويا وامي ولا سالو فينا رغم اننا عارفين اهلنا فين . عشان كده بقولك سيبك من الماضي وبص لمستقبلك اشتغل واعمل صحاب ومعارف وقرب من ربنا وياريت تعرف الناس اللي اكبر منك ف السن استفاد من خبراتهم انسي ماضيك مش كل اللي ليه اهل مرتاح ياما ناس ليها اهل وميعرفوش عن بعض حاجه اقرء كتب تنمية بشرية كون علاقات هما دول اهلك الفلك حكاية قولها لناس ومتجبش سيرة الملجيء نهائي اعمل فلوس واتجوز وكون اسرة وبيت وفك كده بلاش تبص وراك تاني انت ممتاز راجل بجد خليك قوي الضعيف بينداس خليك سند نفسك واللي حصلك اتعلم منه لقدام لما تجوز ربي اولادك تربية صالحه وتحافظ علي بيتك وعيالك وربنا يوفقك ياحبيبي في حياتك 

  • صورة علم Egypt
    صورة علم Egypt
    مجهول

    ياحبيبي كلامك قطع قلبي 

  • صورة علم Egypt
    صورة علم Egypt
    مجهول

    أخي بارك الله فيك أنت شخصية رائعة ومكافحة لا تنظر لنفسك باستصغار ان فعلت ذلك فإنك ستعطي فرصة للمتنمرين وهم موجودون في حياة كل شخص لكن بشكل مختلف على سبيل المثال أنا مغتربة وبعضهم إذا عرف جنسيتي يتنمر علي وكنت أعتزل الناس لكنني قررت أن أكون راضية عن نفسي واتحدث بلهجتي لأظهر للجميع جنسيتي صحيح لازلت أواجه بعض المتنمرين لكن بشكل أخف ما أريد قوله هو أن لا تجعل ذلك يؤثر عليك في حياتك وتعاملاتك الماضي يبقى ماضي انتهى لن تستطيع تغييره تقبله كما هو ولست بحاجة لتخبر الجميع عن ماضيك والأهم من هذا ليس كل الناس ينظرون لمن عاش في ملجأ بأنه شخص سيء لذا لاداعي لتخاف ممن حولك وتفاءل وأحسن علاقتك بربك لأنها باقية أما علاقة البشر فمتغيرة وزائلة 

  • صورة علم Algeria
    صورة علم Algeria
    مجهول

    انت انسان مكافح وطموح لذلك لا تهتم بكلامهم الطريق الوحيد هو إكمال دراستك للحصول على عيش كريم وتكوين أسرة الناس يسخرون ممن هم احسن منهم لذلك لاتجعل كلامهم يؤثر عليك انت قطعت شوط كبير ولم يبقى أمامك الا القليل للوصول إلى النجاح 

  • صورة علم United States
    صورة علم United States
    مجهول

    اخي الخوف هو ما يمنعك بالتقدم في حياتك. حالتك فعلا بحاجه لطبيب نفسي ولكن طبيب يخاف الله ويرشدك لطريق ترضي الله. عليك كسر حاجز الخوف . وما شاء الله عليك تعلمت وكافحت وتعبت وصلت. اسال الله ان ينيلك مرادك وكل ما تتمنى لكن خذ بالاسباب ولا تخاف . كن قويا،  حاول ان تهاجر الى دوله اخرى لا يعرفك بها احد، وقل ان والداك ماتوا وانت صغير وانت تربيت في دار الايتام .وابدا حياة جديده، بكل الاحوال عليك كسر حاجز الخوف. وفقك الله ورعاك وحفظك واواك.  

  • صورة علم Saudi Arabia
    صورة علم Saudi Arabia
    مجهول

    ربي يصلح حالك وييسر أمرك ..نصيحتي لك انك تسكن في مدينه بعيده عن مكان الميتم والدراسه لكي لا تضطر ان تواجه الماضي وانت بهذه النفسية ...اذا سألك أحد لا تقل انك يتيم او تربيت في دار ايتام..في شباب اهاليهم موجودين وما بيعترفوا عليهم ..قول انو والديك منفصلين وانته اخترت تبعد عنهم  ..بإمكانك تعمل مشروع لنفسك تبيع سندويتشات ..تعمل كافيه في الشارع ..يعني عمل خاص فيك يشعرك بالاستقلاليه ..و صدقني ماحدا ح يبحث وراك أبدا ..واكثر من الاستغفار حتى يفتح الله لك المغاليق..وادعيلي بالشفاء وتفريج الهم لأنك صاحب كربه ومظلوم ودعاؤك مستجاب بإذن الله 

  • صورة علم Algeria
    صورة علم Algeria
    مجهول

    يا حبيبي انا مش هقلك كتير لان حلتك تتطلب وقت لتستوعب الواقع والي بدور حواليك انما انا شايفة المشكلة فيك انت مش في الناس ولا في العالم الخارجي... لانهم كدة الواقع مر وما يرحمش سوا اتربيت في ملجا او في قصور شامخة انت لقمة سهلة لاي احد لانك هش ومعتقداتك الخاطاة خلاتك تعيش في منعزل وخايف وتهرب من اي احد واي شيء.. لا يا حبيبي ده مش انت بنصحك تدور علي نفسك اولا وتتعرف عليها وتسلحها بالثقة والصلابة والقوة وبعدين تكسر كل الحواجز الي كبرت في ظلها بعتقادك انها تحميك... لا حبيبي ده دمرتك واخرج للدنيا افرض نفسك ودور علي رزقك واكسر الي يكسرك  وحارب علشان سعدتك وراحتك متل كل الناس انت مش عاجز علشان تبكي انت افظل خلق الله انت انسان

  • صورة علم Saudi Arabia
    صورة علم Saudi Arabia
    مجهول

    أنصحك اخي ان تسمع فيديوهات اليتيم القوي وستستفيد كثيرا 

  • صورة علم Egypt
    صورة علم Egypt
    مجهول

    ليه خايف الناس تعرف وليه بتهرب بالعكس لازم تواجه انت معملتش حاج غلط ومش زنبك انك اتربيت فى دار ايتام انت تتحاسب على اخطائك انت وبس وانا شايفة انك شاب ملتزم ومتدين وده يزيدك ويرفعك فى نظر الناس ولو حد اتنمر عليك وقالك دار او غيره يبقى هو اللى محتاج طبيب نفسى مش انت لازم تثق فى نفسك وقبلها تثق فى الله وتحمده على نعمة الاستقامة انت نموذج يحتذى بيه افتخر بنفسك وكن واثق بها ولا يهمك لا مجتمع ولا غيره .

صورة علم United States
أضف إجابتك على السؤال هنا