كيف أتزوج وأهلي يقللون من قيمتي

كيف أتزوج وأهلي يقللون من قيمتي بقيت من فتره عايزه اتجوز اوي او اتعرف على حد واحبو وبقيت حاسه انو من عدم النضج اني افكر فكده خصوصا اني بنت وورايا مسؤوليات اخواتي واهلي لظروف شخصيه ومحتاجه اصلا اول ما اخلص دراسه اشتغل في اسرع وقت وبقعد افكر كثير الشخص اللي هيجي ده هنكمل مع بعض ازاي وهيشوف اهلي ازاي خصوصا ان اهلي عندهم قله ثقه كبيره جدا في نفسهم وبيشوفو نفسهم قليلن جدا وللاسف مهما حاولت اعالج الجزء ده فيا هما بيعززوه اكثر

من فتره اتقدم لي واحد معايا في الجامعه قعدو يقولو لي انتي تطولي اصلا وما كنش بهزار وابويا كبر وبقى بيحط المسؤوليه عليا من تحت لتحت كل فتره في الكلام فبقيت احس فعلا اني قليله بس في جزء مني هيموت ويحب دلوقتي وبقيت نسخه مشوهه مني انا مضايقه اوي سواء كان من اهلي او من تفكيري ده وعارفه انهم بيحبوني وان مش بايديهم بس هما عندهم قله ثقه كبيره اوي وعندهم قدره في تقبل قله القيمه بطريقه مش طبيعيه هما بجد ما كانوش كده ابدا

ياريت تحترموني في الكلام الموضوع مأثر عليا اوي بس بقينا عاييشن من فتره على كوبونات جمعيات خيريه بسبب انهم عندهم سوء تدبير مالي وامي معندهاش مشكله وبتقعد تبكي وتعمل حركات مستفزه جدا للاشخاص اللي مسؤولين عن الكوبونات انا متفهمه ان الضغوط الماديه الكبيره هي اللي وصلتهم للجزء ده لكن انا صدقا مش عارفه ايه حل المشكله دي وبقيت بفكر انو صحباتي اكيد لما بيجيلهم عريس عادي هتيجوزو انما انا اهلي هيحسسوه قد ايش احنا مالناش قيمه مش عارفه احل المشكله دي فيهم

ارجوكم ارجوكم بدون تجريح هما كبار وقعدت افهمهم كثير لكن دايما يشتموني ويقولو يا غبيه وكده وفي عدم احترام كبير جدا لرأيي ولما يكون كلامي صح بيتخانقو معايا انا تعبت فعليا ولا بقيت عارفه احب حد ولا بيقت عارفه ازاي اكمل عيشه معاهم ملحوظه احنا فعلا ظروفنا الماديه وحشه بس عمرهم ماكانو بالاسلوب ده ممكن لان الضغوطات زادت جدا عليهم بس مش عارفه