صورة علم Saudi Arabia
من وليفة روح
منذ سنتان 15 إجابات
0 0 0 0

مشكلتي مع بنت صاحب الشركة!

أنا فتاة عمري 35 سنه غير متزوجة وأعمل كمديرة قسم في شركة شحن .  مبسوطه في شغلي واستمتع فيه واراتبي الحمدالله مرتفع وكويس بالشركة. قبل سنه تقريباً وظفنا بنت جديدة حديثة التخرج ضمن فريقي، الفتاة غير ملتزمة وغير جادة بالشغل وماعندها أي خبرة في مجالنا وتأثر على جودة عملنا واداء الفريق وصار هالموضوع يضايقني. بعد فترة اخذت موقف وبلغت مديري عشان ياخذ الاجراء المناسب معها لكن صدمني وقال اني لازم أتاقلم معها لانها بنت شريك مهم بالشركة ومايقدر يطردها. سكتت وحاولت اتأقلم مع الموضوع وحاولت ادربها واعلمها لكن ماشفت اي تعاون من طرفها! المشكلة الكبيره الحين انها كونت فريق ضدي وصاروا يتكلمون عني بالسوء ويألفون قصص واشاعات علي! ووصلت فيهم انهم يقدمون شكوى ضدي بإساءة معاملتهم وطالبوا بإجراء تحقيق معي.. وللأسف كثير وقفوا معها لانها بنت شريك مهم وخايفين لاتخرب عليهم! ايش انسب حل لهذي المشكلة؟ ماابي اخسر وظيفتي وهي قاعده تخرب عليُ وتشوه سمعتي!