هل أعيش بكهف والدي الى أن يموت؟

السلام عليكم مشكلتي مع اهلي و بالتحديد ابوي انا في عائله مكونه من اربع بنات و اربع اولاد و عايشين في بيت ملموم على قدنا و ملك الحمدلله الان اغلب اخواني و خواتي تزوجوا الحمدلله مابقى الا انا و اختي و واحد من اخواني ابوي من يوم و حنا صغار و هو كابتنا و حارمنا من اشياء كثيره بحكم ان هالشي مو عاجبه او هو ماقد سواه حارمنا ماديا و معنويا يعني حتى مشاعر حب مايعطينا و لما كنت اوريه وش شريت او احاول اتتقرب منه يفشلني و مايتجاوب معاي و بسبب هالحركه صرت اكرهه و لما كبرنا الحين و هو كبر و صار مريض صار يخاف من الالم و مايحب يقعد لحاله مايبغانا نفارقه و يبغانا نجلس 24 ساعه معاه مع انه زمان قبل مايمرض ماكان يبينا نقعد معاه و كنا اذا جلسنا معاه يسكتنا و مايخلينا نسولف الا ايام قليله جدا يكون فيها رايق و عادي يسمح لنا نسولف و نضحكالمهم الحين انا عمري 23 و توني متخرجه من الجامعه و اختي اكبر مني بسنتين و متخرجه من الجامعة و مايرضى نطلع من البيت و بالغصب رضى اني اطلع من البيت عشان اخذ دوره تدريبيه ببلاش حتى ماطلبت منه فلوس عشانها و قعد اسبوع يحاول يقنعني اني ما اطلع من البيت و اجلس معاه بس مارضيت و اصريت على راييانا انسانه احب اطور من نفسي احب اخذ دورات احب اجرب اشياء جديده علي بس ابوي حارمني من هالشي البسيط و في البيت جالسين طول الوقت معاه انا ماعندي مشكله اخدمه من عيوني لكن هو حتى مايسمح لي ارتاح و لا اتنفس لدرجه صرت اكره ارجع البيت و مو انا بس حتى كل اخواني اذا جا واحد منهم عنده على طول يقعد يتشكى من كل شي فيه و حوله صرت افكر بالزواج بانه هو الحل و المخرج الوحيدبس خايفه من هالقرار لان الزواج مسؤوليه و قرار المفروض اتخذه و انا مستعده له 100% كنت مخططه ما اتزوج الا لما يصير عمري 30 لاني اشوف هالعمر يكون الشخص محل للمسؤوليه و يقدر يأسس بيتلكن الحين ما ادري ايش الحل هل اتزوج اول واحد يجي يخطب ولا اعيش في كهف ابوي لين يموت ولا انا اموت ؟!