إذا لم أرضي أمه سيطلقني

قضايا اجتماعية
إذا لم أرضي أمه سيطلقني

انا طول عمرى عندى كابة عشان مفيش حاجة بتكمل معايا كل حاجة بدخل فيها مش نافعة اتخطبت مرتين والمرتين هما اللى سابونى وكان السبب انهم اتخانقوا ومش مرتاحين وعرفت ان الحاجة المشتركة هى انى مش بعرف اخد موقف وعشان كدة بيكونوا مبسوطين جدا وفى الاخر بيتخانقوا لما بيتعاملوا معايا عشان بكبر دماغى كتير وازعق واتنرفز وزعيقى بيجى على الفاضى وانزل على مفيش لان اقل كلمة بترضينى وتبسطنى وده اكتشفت انه مينفعش المهم اتجوزت شخص كان مبهور بيا بردو اوى ذى الالاف المبهورين بيا فى الاول بس المهم بعد مااتجوزته بعدها اكتشفت انه مدمن مخدرات ومريض فيرس سى وكئيب جدا جدا ومش بيخلف بعد ماعرفت كل ده كملت وماخدتش موقف وقولتله انا عايزة اساعدك وامه دايما كانت فى الاول بتقولى انا خايفة لاتسيبى ابنى ودايما كانت بدافع عنى وتقف معايا وبعد موقف حصل ان جوزى كان عايز يسيبنى وانا فضلت اعيطلها عشان ترجعنى من هنا الناس اتقلبت 180 درجة وبقوا يتعاملوا كانهم املة وانى قاعدة قاعدة وبدا الصراع والمشاكل مع امه لانها ابتديت تحس انى استحالة امشى المهم ابنها اتسجن فى قضية مخدرات اتصدمت وبصيت حواليا ملقتش غيرى انا كل عيلته اتفرجت ومعملتش حاجة انا اللى جريت ووقفت جمبه ودورت على محامى وطلعته وفعلا طلع وكانت معجزة انه يخرج وخرج واول لما خرج قالى انا قفلت منك ومش عايز اكمل وبعدها رجع فى كلامه وقالى لا خليكى انا مش عارف عايز ايه المهم فضلنا خناقات كل شوية على اتفه الاسباب مشاكل مشاكل وانا كل شوية اقوله طلقنى بقولها كتير جدا معرفش لى والمشاكل زادت جدا جدا على اى حاجة فى اى حاجة بالرغم بردو انى وقفت جمبه وشوفت دكتور وعالجته من الفيرس سى وبسسببى بردو لغاية وقت قريب من شهرين تقريبا كنت بتكلم مع امه وبسالها عن اسعار عفش بيتى اللى انا فيه عشان عايزة اغيره قولت تجديد خصوصا انى مشترتش عفش المهم فجات لاقيتها بتقولى لا مش من حقك تغيرى حاجة لان الحاجة ده مش بتاعتكو اتصدمت وقولتلها بتاعة مين قالتى اخته قولت معقول حتى العفش مش بتاعه قالتى لو عايزة تغيرى لازم يستاذن اخته الذوق والاصول بتقول كدة قولتلها لا ده عقد المهم اضايقت وقفلت وانا مكلمتهاش تانى وبعدت واتخنقت انى مش من حقى اعمل حاجة خالص خصوصا ان الست ده علطول بتعلم ابنها انه لازم يشكمنى ويزعقلى وتسلطه المهم ماما كانت بتسال على امه فراح هو قال لامه ده مامتها بتسال عليكى وانتى مبتكلمهاش لى قولتله انا اللى اكلمها هما مبيكلموش حد وقالته ابعدهم عنى وخليهم يسيبونى فى حالى وابعد مراتك عنى خالص هو اتخنق واضايق اوى وقالى لازم تراضى امى احسن نطلق وقالى سيبها لله انا معرفش ايحصل امتى الطلاق بس لو مرضتيش امى وخدتيها على اد عقلها انطلق لانى تعبت ومش ناقص انا من ساعات ما اتجوزت وانا باخد مخدرات وقبل ما اتجوز كنت بضرب مرة كل اسبوع انا تعبت وزهقت وقولتلك اللى عندى اعمل ايه انا اموت ومدمرة

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدرب ماهر سلامة سيدتي أنت مصابة باكتئاب حقيقي إذا لهذا الوضع المزري. لايمكن الاستمرار مع مدمن سيدتي، لن يتغير! وستبقى أمه أهم منك، فهذا الزوج بلا آفاق، وليس بحاجة الى شريك يخوض معه تحديات الحياة، وتحقيق طموحاته. لا آفاق لك بهذه العلاقة سيدتي، لذا أنت بحاجة الى إحداث ثورة ذكية في هذا الزواج ليتحرك باتجاهات جديدة، وإلا سيبقى الحال مؤديا حتما الى طلاق. عليك العمل سيدتي، والانتقال من هذا السكن، والاستقلال عن الام. بحضور أمه سيبقى طفلا حتما. بالتوفيق دائما
  • صورة علم
    صورة علم
    من مجهول
    ولكن أنا حسبما قرأت لم اجد والدته فعلت شيئاً سيئاً معك ولم تعترض طريقك وهي فقط ارادت أن تنبهك أن العفش ليس لكم وهو ملك من ومن يجوز له التحكم به يعني نبهتك فقط وهذا ضروري. مشكلتك مع زوجك إن كان كذب عليك بشيء. ثم انها امرأة كبيرة ويجب بالطبع أن تعتذري لها أنت من باب الاحترام لسنها
  • animate

  • صورة علم
    صورة علم
    من مجهول
    لماذا أنت خائفة من الانفصال لهذه الدرجة إن كنتي غير سعيدة في حياتك معه ولا يوجد بينكما أولاد. تطلقي منه ورديه لأمه المتسلطة واخلصي من هذه الحياة التي يبدو أنها ستنحدر نحو الأسوا. مدمن وانحبس ولا يحبك بما يكفي ولا عائلته تحترمك ومهددة كل يوم بالطلاق لا تعرفين المستقبل متى . إذاً انفصلي اسهل
  • صورة علم
    صورة علم
    من مجهول
    اذا ما فى اولاد اطلبى الطلاق وما تقبلى العيش مع تحكمات اهل الزوج
  • صورة علم
    صورة علم
    من مجهول
    ارضى امه وخديها على قدر عقلها من اجل تجنب الطلاق
  • صورة علم Saudi Arabia
    صورة علم Saudi Arabia
    من مجهول
    بعض الناس بتعتقد السير علي الاصول والجدعنه انه رمي جتت زي ما بنقول.حماتك اعتقدت ان تمسكك بابنها المريض بالادمان الذي سبب له اصابته بالفيروس انك لازقه وضمنت فعلا انك مش هتمشي مهما حصل.الحياه الزوجيه اساسها بناء بيت مستقر مش بيت حتي عفشه ماتعرفيش هو بتاع مين .اي استقرار وطمانينه هذه التي تشعرين بها في بيتك الذي ليس لك ؟!!!!هل هذا الزواج يصونك ويصون كرامتك ؟؟؟ تعيشين مع شخص مغيب وتنتظري منه حفظ حقك وكرامتك؟!!يتهمك بانه زود جرعة المخدر لكنه نسي انه مدمن قديم وانه مع الوقت مضطر يزيد الجرعه ويحملك سبب ضعفه امام مرضه النفسي هذا ؟!!!وازني بين وجودك في حياه بهذا الشكل او الحياه بدون هذه الاشياء ؟؟ايهما ستكوني فيه افضل .لا تخافي من اختيارك ولا تدفني نفسك في النار .ماحدش هيعيش مكانك ولا هيحس باللي انتي فيه غيرك
  • صورة علم
    صورة علم
    من مجهول
    مشكلتك مع حماتك ليست هي المشكلة الحقيقية.. بل مجموعة مشاكل وتراكمات منذ زواجك .. خذي قرارك بناء على كل ما حدث في حياتك الزوجية وليس موقف والدته
  • صورة علم
    صورة علم
    من مجهول
    هل تريدين الاستمرار مع زوجك؟ ام تريدين الطلاق؟ ضعي خطة وهدف معين لحياتك ثم قرري بالضبط اذا كنت سوف تستمرين ام لا
  • صورة علم
    صورة علم
    من مجهول
    في بداية المشكلة تقولين انك تفاجات انه مدمن مخدرات .. ثم في نهاية سؤالك تقولين انك ايضا تضربي مرة كل اسبوع.. هل من تفسير لهذا التناقض؟ اذا كنت بنفسك مدمنة فماذا تبقى؟

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟