أملك كل شيء ماعدا العائلة، لو كنتم مكاني ماذا ستفعلون؟

بسم الله الرحمن الرحيمأولاً الشكر لأسرة حلوهاتانياً مرحبا بالجميعأنا فتاة بعمر ال 25 سنة ، طبيبة ، أملك كل شيء في الحياة الحمدلله إلا العائلةبدايةً ضروري تعرفوا انو شخصيتي قوية جداًليه بحكي هيك ! لانو حالتي رح توصل ليكم فكرة انو انا ضعيفة و مغلوبة ع أمري بس على العكس تماما رغم ان الوضع مو سهل أبدداً و تعبت منو و اللي زاد علي انو حتى بشهر الخير صرت أكتئب فجأة لأنو ينقصني وجودهمأيامي كلها سكووووون مو طبيعي و تحملتو لهالسكون و لسى حتحملو بس بهالشهر تقل طاقة تحملي لدرجة اني قررت أحكي هون متل الكل لحتى أعتبر نفسي شاركت و تسليت بكلامكم و يمكن حتى عشان أضحك منو أو أبكي منو متل ما بيحصل معي في كل مرة أقرأ مشاركاتكم بقصص غيريالمهم :حابه أسأل كل شخص فيكملو كان وحيد فعلاً لا أب و لا أم و لا أخ و لا أخت و لا ابن و لا زوج مع انهم جميعهم ع قيد الحياة بس شاء الله عز و جل أن تكونوا مفترقين لأسباب عديدة و ظروف مختلفةهل رح تقدروا تعيشوا بشكل طبيعي و تكونوا سعيدين ؟هل رح تتحملوا الوضع هاد سنة ورا سنة ؟ و تبقوا عليه لمدة سنين ؟ايش رح تعملوا لو الأم و الأب ما ممكن يجتمعوا بيكم و ما يريدوكم ؟و انو الابن ما تقدروا تاخدوه معاكم !و انو ما ممكن تتكرر تجربة الزواج لانكم كرهتوا الزواج من أساسو ؟و انو الاخ و الاخت مع عيلة تانية مع الاب و ما ممكن تلتقوا الا بعد سنين كتيرة و احتمال تكونوا وقتها أعداء !ممكن أعرف كيف ممكن تكون حياة كل شخص فيكم لو كانت هاي ظروفو ؟!