صورة علم
من حائرة
منذ 3 سنوات 16 إجابات
0 0 0 0
  • هل اتزوجه واخسر كل شيء؟

    انا بنت عمري 31 ومطلقة بعد تجربة زواج قصيرة جدا تزوجت بعمر 29 لمدة 6 شهور وطلقت يعني زي كأني ما تزوجت بحس سنين العمر راحت في الانتظار، متعلمة تعليم عالي الحمد لله وموظفة في بلدي بوظيفة حكومية جيدة، رحت عند اختي زيارة في احد دول الخليج وسبحان الله التقيت بشاب ملتزم وخلوق طلبني للزواج عمره مناسب جدا واخلاقه ما شاء الله واهله طيبين زاروا بيت اختي رسمي وطلبوني لكن مشكلته انه بدون جنسية، يعني ما معه الا جواز مؤقت احيانا بيتجدد واحيانا لا يعني ممكن لو خلفت منه اولاد ما اقدر اخدهم معي في زيارة لاهلي أو يسافروا معي وقت ما بدي، يعني رح ارتبط بهاي البلد طول عمري، وانا في بلدي الاصلي زي ماحكيت عندي وظيفة منيحة حكومية وعندي امي الي اغلى من كل شي امي ست كبيرة ومريضة ونفسي اكون جنبها بس ما اجاني ابن حلال مناسب طول الفترة الماضية والعمر بيمضي خايفة ارفض ما يجيني حدا باخلاقه وعمره المناسب وخايفة اقبل اخسر شوفة امي الدائمة ووظيفتي ببلدي، استخرت وبدعي رب العالمين ييسر الخير، العقل بيقلي ما اضيع فرصة ارتباط زي هيك مناسبة وكمان بحكيلي لا تضيعي شغلك والعاطفة بتحكيلي لا تضيعي حلم الزواج والامومة ويصير عندي اطفال وبنفس الوقت بتحكيلي وامي المسكينة كيف ابعد عنها عطول، محتارة كتير والله شو اعمل

أسئلة ذات علاقة