رأسي توقف عن التفكير.. فأنا لست ابنهم الحقيقي!!

السلام عليكم امل ان اجد جوابا وحلا للاسئله يلي تدور في بالي اني شاب من عمر 22سنه وعايش بعيله ما تبت لي باي صله او قرابه اي هاي الجذبه عايش بيها من 20سنه واني ما اعرف ، عرفت بالصدفه من رجعت من السفر وعلى بالي دا افاجئ اهلي وسمعتهم وهمه يتحجون وطلعت اني المتفاجئ مو هم ... صح ان عائلتي الجديده يعاملوني كويس ويحبوني ويهتمون بيه كثير ويعشقوني واني بعد اعامل اخواتي بحب واغار عليهم واعشقهم وابجي من يمرض منهم احد واحب اخوي الجبير واغار من اشوفه مع اصدقائه وازعل على زعل كل واحد وما ارضى لهم الأذى بس من عرفت انه اني مو ابنهم وانه الجنسيه بعد مو إلي واحكي بلهجه مو لهجتي واحمل اسم عائله مو عائلتي ما اعرف انقلبت 180درجه وصرت اكرهم ما اطيقهم ما اكعد وياهم وما اروح الجامعه اعصب على امي وما اطيق اسمع صوت ابويها وكمت اضرب اختي الصغيره وكل الوقت اتعلم عن دولتي الحقيقية ولهجتي واطلع من البيت وما اخبرهم واخرج عن قوانين البيت على مود افتعل اي مشكله حتى احكيلهم اني عرفت الحقيقه واريد ادور على اهلي وين ادور ومنو ابوي وامي وليش تركوني وليش ذولي ما خبروني ودام اني عىفت شراح يصير بيه وبخواتي واخوي الي احبه اكثر من روحي ... والله اني ما انسى افضالهم عليه لو اموت ما انسى واكيد همه احسن من عائلتي الحقيقيه بس ليش ما خبروني عن الصدق جان ما حطوني بهذا الإختبار يلي ما اقدرله ...شلون اتناسى وشلون ارجع اعاملهم وكان شيء ما صار ... اني ما اريد اتركهم ولا اريد اعرف عاىلتي الحقيقية شلون اطلع من هاي الخربطه اريد راسي يوقف عن التفكير ...