صورة علم Egypt
من مجهول
منذ 11 شهر 8 إجابات
2 0 0 2

من حقي أن أعيش حياة مستقلة بعيدة عن أهل زوجي!

انا كنت عايشة فى القاهرة ولما تزوجت (عن حب) انتقلت للريف ومكنتش اعرف ان الحياة صعبة اوى ومختلفة جدا عن حياتنا زوجى فرض عليا النزول لأهله وتكون حياتنا مشتركة وبيتنا للنوم فقط اعترضت كتير وحصلت مشاكل وحتى لما اهلى اجبروه انى اعيش مستقله ببيتى بدأ يزهقنى ويسيبنى لوحدى عشان ارجع انزل تحت وسمعت كلامه وبدأ يغير حاجات فى شخصيتى عشان اتماشى مع الحياة هنا زى انى اشتغل فى كل حاجة وممنوع ارد على اى حد من اهله حتى لو ضايقونى وبالفعل بقيت كدة لحد دلوقتى بس المشكلة انى مبقتش قادرة استحمل حاسة انى بقيت بشخصيتين بسكت وبشتغل حتى لو تعبانة والموضوع ده بقى ينعكس بالسلب على بنتى بطلع غضبى عليها وعلى اهلى وردات فعلى معاها ومع اهلى مبالغ فيها بسبب انى مضغوطة نفسى اتغير ومش عارفة , انا مش بكره اهل جوزى بس انا شايفة ان من حقى تكون ليا حياة مستقلة خصوصا انهم بيتعاملوا معايا على انى آله وبيستغلونى جدا حتى اخته بتستغلنى عشان اذاكر لاولادها واقوم سلوكهم ومش عارفة اركز مع بنتى خالص وكمان صحتى مبقتش تستحمل وهما بيعملوا مش واخدين بالهم وبقيت بقصر فى بيتى بس زوجى مش بيعلق على تقصيرى وكمان بيساعدنى لانه عارف علتى من ايه واهون عنده انه يساعدنى على انه يوافقنى على عدم نزولى خصوصا انهم بيوفروا عليه كتير من مصاريفنا زى الاكل وفواتير الكهربا..الخ بس هوه طول الوقت معاهم بيخدمهم وهما للأسف لما كنت بعترض الاول على نزولى كانوا بيهددونا بالطرد من البيت وبيذلونا بالمصاريف اللى شايلنها عننا بس انا ماليش ذنب فى ده كله ليه ادفع انا التمن من صحتى وراحتى وسعادتى