تعبت من حب أمي للمال وإهمالها لي من غير سبب

add_commentأضف إجابتك

thumb_downلم يعجبني0

تعبت من حب أمي للمال وإهمالها لي من غير سبب
السلام عليكم وصباح الخير على الجميع ابي اقولكم مشكلتي واتمنى اجد عندكم الحل فاانا والله تعبت جدا جدا انا مشكلتي مع امي فهي مريضه بشي اسمه فلوس امي تركتني وانا طفله رضيعه مع ابوي وربوني اهل ابوي وانا من رجعت لها بسن ١٤ سنة وظللت على هذا الحال الين تزوجت قبل ٣ سنوات وانا ازورها واكلمها واعطيها فلوس شهريا ٥٠٠ ريال واعطي اخوي ابنها ايضا واعاملها احسن معامله لكن لما تزوجت اعطيتها ٣ الاف ومشت بين الناس وشوهت صورتي انني لم اعطيها ولا ريال ومن هذاك الوقت كرهتها يعني انكسر قلبي كيف اهملتني طوال هالسنين وهي من تخلت عني ورمتني وعمري اقل من اسبوع والنساء تتوالى وحدة وراء اخرى لتربيتي وهي عايشه حياتها ورغم هذا اعاملها أجمل وأفضل معامله حتى اختي بنتها من رجل اخر غير ابوي وزوجه اخوي اكلمهن علشان يجون عند امي وهن منقطعات عنها علشان بس تشوفهن وتشوف اطفالهن ولقيت معامله زفت من اهل ابوي ولااخبرها علشان ماتتضايق علي وامور كثير فعلتها لها ولكن لما تزوجت وعرفت كلامها عني كرهتها وكانت تتصل علي وانا ببيت زوجي وتقولي زوجك راتبه كذا واقول مادري تقول الا انا سالت عن وظيفته وقالو لي راتبه كبير مرة اعطيني منة وانا اقول ان شاء الله وهو امر صعب اقوله اعط امي فلوس وشوي تقول ليتة مو متزوج وله ابناء وبنات علشان لو توفى تاخذين كل امواله لكن لما تطلقت فرحت فرح عظيم كأنها ادخلت الجنة بسبب انه مااعطاها فلوس وبعد طلاقي ناشبتني على الضمان اللي تصرفه الدوله للمطلقه بقيمة الف ريال تريد منة شهريا اعطيها وانا بعد طلاقي ذهبت لبيت ابوي وسكنت عندهم واكلي وشربي وملابسى علي وعلشان ابوي ماديتة جدا ضعيفه وزوجتة وبناتها مايرحمنه انا من يدفع احيانا اغراض البيت واعطية بنزين لسيارتة اخفف عنه وامي تقول لا لازم تعطيني والبارح هاوشتني لما قلت ان شاء الله يتزوج اقصد اخوي اللي عندها ايضا هو من رجل اخر قالت وانتي تساعدينة قلت منين مااملك الا الف ريال والزواج وتكاليفه يبغى لهن اقل شي ١٠٠ الف مهر وسفرة لة ولزوجتة وشقه وتاثيثها وزواج بقاعه ومن هذا المصاريف وهي تهاوش انتي لازم تعطين اخوك وانتي كل يوم تقولين ماعندي وانا لراحه راسي ابعدت الجوال عني وكل شوي احطة على اذني وهي تتكلم وارجع انزله الين ماخلصت لان كلامها ماينسمع وقلت لها خلاص اعطيك الشهر القادم ٨٠٠ وبعدها تكلمت بالبرد وقالت انتي ملابسك جدا خفيفه اذكرك لما زرتني ملابسك خفيفه والجو بارد قلت اشتري بعد شهرين قالت لي وليش مو الشهر الجاي قلت انتي تبين منة ٨٠٠ وش يبقى اشتري وهي تسكت توقعتها تقول خلاص اشتري ملابس ثقيله وبعدين اعطيني لكن سكتت الامر الاخر امي عرفت انها جدا تغار مني كانت تكلمني اول لما كنت مع طليقي وتقولي يضربك يهاوشك قلت لا قالت معقوله رديت عليها اي والله ليش اظلمة وانا كنت صادقه بس توقعتها انها تبي تطمن علي وتجبرني اتكلم وبعد طلاقي تسالني ليش ماتتكلمين عن زوجه ابوك وخواتك تقصد اني اسبهن قلت عادي حياتي معاهن وهن يعاملني اقسى معامله لكن ماابي اقولها تفرح وتتشمت بي وتتضايق لما يجيني ريال واحد ماتبي معي شي وفوق هذا تغار من اهل ابوي تقولي انتي بس بين عماتك وعمامك وابوكي واهله تعالي معي روحي لمناسباتنا مو بس جالسه بينهم والله اني اغير لما اشوف البنات مع امهاتهن وانتي لا وقلت بقلبي وانا بعد ودي تكون عندي ام مثل كل البنات مو وحدة رمتني وقالت خوذوها ماابيها وهي تقولي انا ادفع اجار البيت وهو الف ومايبقى لي شي واعرف انها مو صادقه لان خالتي ساكنة بدوله خليجية ترسل شهريا ثمن الايجار وترسل معه فلوس لها واخوي راتبه ٥ الاف بس يحب السفريات والتمتع بحياته ويلعب بالفلوس ويجي يطلب امي وهي متسلطة علي ومفهمتني انة الفلوس اللي تطلبني لها بينما هن له ومفهمتني بعد ان اخوي راتبه الف وخمس وانهن يرحن لااقساط السيارة وروحتة مع اصدقاءه واكله وشربه ولي اخوان غير هذا الاخ اخت واخ اكبر مني ومتزوجين ولاتطلبهم لانهم تاركينها يزورونها لكن مو دائم وفوق كذا مايعطونها وتحترمهم وتقدرهم بالحيل وانا تعودت علي لانها تسب فيني وتشتمني واسكت علشان الله لكن طفح الكيل بس المشكله الكبرى انو انخطبت قبل يومين رجل غني جدا ولكن ماعلمت امي الين مايعقد القران لاني خايفه منها اولا تحسدني عليه وثانيا ادري تبي تقولي ارفضيه علشان اسمه لان امي همها المظاهر والشكل امام الناس وانا والله لاهمن اسمة ولاشكله اعرفه ولامنصبه بس ابي اخرج من الجحيم عن زوجة ابوي بعد ماسالنا عنة بكل شي وقابل ابوي وتكلمو والحمد لله انة خارج مدينتي وامي الله يعين عليها ادري تبي تقلب حياتي جحيم لايطاق لما اتزوجة لانها بس فلوس وتقولي اطلبية وخليه يحول لنا وحتى تبي تقول يضربك ويعذب بك علشان اقول ايه وتستانس وانا صعب اظلمة وصعب اقنعها وحتى عمرها ماجابت لي هديه او قدرتني او اهتمت بي الاسبوع الماضي تزوجت بنت خالتي وقلت اعطيتها هدية توقعتها مثل دايم تقول ماعندي قالت ايه اشتريت لها ساعه لانها تستاهل فلانه وانا بزواجي مااعطتني ولا شي والدوله موخرا صرفت فلوس للشعب واعطو امي ومعها ضمان وخالتي تعطيها ومع ذلك بس تبي مني وتقولي انتي ماعندك اطفال ولااحد ومعك هالفلوس اعطيني اياهن هن كثيرات وانتي لحالك هذا كلامها لي وانا تعبت منها اعتذر عن الاطاله لكن والله مقهورة وابكي ولاعندي بعد الله الا انتم وشكرا لكم وجزاكم الله خير
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • مدربة حياة ميساء حموري
    مدربة حياة ميساء حموري verified_userوعليكم السلام عزيزتي اعلم انك تعرفي ما عليك فعله ولكنك تريد ان تحكي لاحد وتزيحي بعض الهم عن قلبك وانا اسمعك عزيزتي واشعر معك واتفهم معاناتك مع عائلتك كلها ،كان الله في عونك ليس سهلا ابدا ما تمرين به والمشاعر المؤلمه التي تجتاحك وان شاء الله يعوضك الله خيرا على صبرك وحسن اخلاقك وتعاملك مع اهلك . انتبهي صديقتي وتاكدي من ان خطيبك شخص جيد ومناسب لك ولا تهربي من وضع سيء لوضع اسوء حتى تهربي ،تاكدي من ان هذا الرجل مناسب لك ويستطيع حمايتك وتقديرك واسعادك .اما بالنسبه لامك فانت اصبحت تعرفينها جيدا وتعرفي طباعها وانت لست مضطره لسماع كلامها المؤذي واستغلالها لك ،عامليها بالمعروف واعطها من المال ما تظني انه مناسبا ولا تطلبي من زوجك المزيد وابقي لنفسك من مالك جزءا لحمايه نفسك ومستقبلك ولا تكوني متساهله في موضوع المال ولا تتاثري بكلامها الغير صحيح .عامليها بما يرضي الله وتغاضي عن تصرفاتها وكلامها المؤلم واعتبريها انسانه بامكانات محدوده ولا تسمحي لها بالوقوف امام طريق مستقبلك وسعادتك .
  • صورة علم Jordan
    صورة علم Jordan
    مجهول
    تجاهلي كلامها وقوليلها اخوي رجال هو المفروض يصرف عليك وانا بعطيك بقدر
  • صورة علم United States
    صورة علم United States
    مجهول
    عليك بما يرضى الله وليس اكثر وكما عليك واجب كمان باقي اخوتك عليهم واجب اتجاهها والاخ الي ساكن معها كمان عليه مسؤوليه ؟؟ بما انك راح تتجوزي وربنا يوفق اختصر زيارة والدتك واياك تخبريها كل شئ بينك وبين جوزك لان راح تكون الطلاق الثاني لا سمح الله . بالنسبه للمصاري انتي منك مجبوره انتي ايضا ضلع قاصر وفتاه محتاجه الي يحن عليك ما تعوديها كل الي معك تعطيها اياه انتي الي بتقدري تقدم الها قدمي وغير هيك ما الها .
  • صورة علم
    صورة علم
    مجهول
    حافظي على حبل الود مع أمك مهما كان قصير، ضلي زوريها كل فترة والثانية، واعطيها اللي تقدرين عليه، بتضل أمك وثوابك عند الله كبير
  • صورة علم Saudi Arabia
    صورة علم Saudi Arabia
    مجهول
    بإحتصار شديد يا أختي خلي زيارتك لأمك قليلة // ومهما يحصل ويصير هيا بالنهاية أمك واصليها لأجل الله عز وجل // ولكن أنصحك تتزوجين المتقدم لك بعد الاستخارة والتوكل على الله // وبعدها زيارتك تكون خفيفه لأمك وابوك وربنا يوفقك (( وازني الامور بين زوجك وابوك وامك واخوانك )) وبالتوفيق
صورة علم United States
أضف إجابتك على السؤال هنا