بعد ٤ سنوات من الخطبة تركني بسبب؟

السلام عليكم انا بنت عمري 22 سنة راح احكي قصتي ويا ريت تساعدوني بأقرب وقت، انا قصتي انو تقدملي شب سنة 2014 كان عايد توجيهي للمرة الخامسه وكان بنتظر النتيجة اجو اهلو وطلبوني بعد اكتر من محاولة نحن وافقنا وهو نجح بالتوجيهي بعدها اهلو حكو انو رح نكتب الكتاب وبس يدرس كلية ويتخرج رح نتزوج بس صار عكس هاد الشي قرأنا بس الفاتحة وصبرت 3 سنين لبين ما تخرج وفتحنا الموضوع معهم بس حكو انو الشب بدو يقدم شامل بس ينجح بنتزوج ونحن كنا مصرين انو نتزوج بس بالاخر كتبنا الكتاب سنة 2017 وبعدها قدم شامل اول مرة رسب وبعدين نجح بعد كم شهر بتفاجئ انهم ما فتحو الموضوع وكمان سجل بالجامعة وبعدها اهلي فتحو الموضوع معهم وبتفاجئ من ردهم انهم بدهم كمان استنى 3 سنين لحتى يتخرج بس انا ما بدي استنى وكمان بعد الاهانة الي شفتها من اهلو وانهم مو مهتمين فيني انا ما بدي وغير هيك بتفاجئ انو اختو بترن علي وبتغلط وبتهدد بنشر صوري وكمان بتعرف كل اسرار وخطيبي فاضحني قدامهم وحاكيلهم كل اسراري ومطالعين علي حكي ما صار وانا ما تحملت كل هاد بس اقسم بالله انو صار قبل هالمرة وسكتت هاد فوق ما انا متحملة طبعا ما اخذت منو اي مصروف حتى شحن البطاقة على اهلي ولما امرض ولبسي كلو ع اهلي ولما هو يجي بجبلي هداية بسيطة وبقبلها بكل حب وكنت اجبلو بدل الهدية الي بجبلي اياها وتحملت كل هالسنين بس تفاجئت من اهلو وكيف بدهم ياخذو الذهب قبل ما نروح على المحمة وانا معترضة لانو بدي كل شي قدام المحكمة واذا كان الي حق ولا لأ واذا لازم ارجعلهم الهداية ولا لأ وشو لازم اعرف ساعدوني بدنا نروح على المحكمة يوم الاثنين احكولي شو لازم اعمل ساعدوني رجائا ً