ما الحل مع زوجة أخي ومشاكلها التي لا تنتهي؟

زوجة اخوي ومشاكل الي تجي من ورآها حسبي الله ونعم الوكيل فيها الله يكشفها ويفكنا منها ،، اخوي تزوج زواج تقليدي من فتاه من جماعتنا كانت تظهر للناس مالا تبطنه كل ظاهر تصنع والباطن حقيقه ،، بدايه زواجها قالت لنا تعالوا زاوروني اعتذرنا منها ولاكن هي اصرت و3 من خواتي تعاطفوا معها ولكن حذرتهم راح يصير مشكله لانه توهم عرسان ،، فا اخوي رجع من شغل وشافهم في بيته طردهم وخاصمهم وبعدها كرهوا يروحون بذي طريقه ،، وبعد 3 شهور من زواج اذا طلعنا سوق او اي مكان الا تبي تجي معنا رغم ان اَهلها موجودين بنفس منطقه ،، فكانت تناظر شباب وتسوي حركات واخوي يعصب وبحسبه انه نحن الي نغازل وناظر شباب وأول مره اشوفه كذا ،، وقلت لا امي معد اطلع معه اذا زوجته بتطلع وفعلاً معد طلعت وخواتي الي كانوا يطلعون جاتهم اتهامات انهم يكلمون شباب وينتظرون وهم بريئات خواتي وأعرفهم ،، وبعد ما رجعنا للجامعه،، زوجة اخوي قالت بدخل وأسجل وقلت لها لك 3 سنوات متخرجه من الثانوية ماحلى لك الا بعد زواج علشان تخلصين فلوس غيرك ،، وامي قالت مشيها وسكت ،، ولاكن مصيبه الي تسويه داخل الجامعه بعد أسبوعين من دخولها جامعه قصة شعرها زي ولد ( يعني بويه ) استغلت انشغال اخوي بعمله ويوم رجع تفاجاء وخاصمها واعتذرت انه في شعرها مرض وانه يطيح رغم انه عكس ذلك ،، هي قصته علشان تصير بويه تضم البنات وتشفشفهم وتجلس في حضنهم وتسوي اشياء معهم بدوره مياه ،، طبعاً ما أراقبها شفتها صدفه طلعت مرتين بدري من محاظره وشفتها في ساحه وتحسبني ماشفتها طلبت اذن في محاظرات الوسطى الى دورة مياه تقريباً 5 مرات وشفتها وانصدمت اني جيت تحسبني في قاعه محاظرات وهي طالعه قالت شكلها تراقبني وبتعلم اخوها وانا والله ماهمتني ولا راقبتها وقتي كان كله مضغوط محاظرات نادر ناخذ اذن للفطور ،، اذا خرجنا من بيت تخرج ملتزمه ،، واذا دخلنا باب جامعه تتكبر وترفع أكمام بلوزه وتربط اطرافها ولياقه رقبه ترفعها على رقبه زي ولد ،، وتعلم بنات ان زوجها مص رقبتها ،، وكلام فاااااارغ ،، واذا احد من صديقاتي تكلم عليها بصدفه وهم مايدرون انها زوجه اخوي لما ياشرون تجي وتقول هاه كيفك يا أخت زوجي ،، ولما ما احد يكون معي ماتبي تجي يكونوا في محاظراتهم طبعاً استحملت 4 شهور تصرافتها وعلمت امي وامي قالت اسكتي لانها كانت حامل ،، وكانت تصور في بيبي بطنها وتحطه صوره عرض وعلمت اخوي وخاصمها ومعد كررتها ،، وفِي اخر شهرين حمل كانت تطلب من امي انها تنام في سريري وكنت ارفض كانت تقول ل امي انه تحس ان بطنها بنت وراح تشبهني انا وخاطرها تنام فوق سريري .. نامت تقريباً أسبوع كانت تجي اخر ليل واختي صغيره تفتح لها وحنا نايمن نصحى نحصلها في وجهنا. وزهقنا من حركه هذي ونبّهنا أختنا ولاكن مافيه فايده ومانقدر نرفع مفتاح ولاكن بعد ولاده صارت تنام وبعد ماخلصت نفاس صارت ترجع لحركه شباب ولاكن مظطرين لان الدنيا عيد ولازم دفعه مره وحده وليس مرتين ثم اكتشفت انا بصدفه انها تكلم واحد اسمه محمد الفلاني ؛ كنت في مطبخ اصلح شاهي وهي كانت بصاله قالت انا احبك يامحمد ،، سكت ثلاث سنوات على حركاتها ولاكن يوم اتهمت امي بالكذب انه سرقنا مواعين بيتها( واصلا ما احد سرق هي أعطتها اَهلها حسبي الله فيها ) انفجرت قدام اخوي وقلت كل شيء كل شيء سوته صغيره وكبيره واخوي فوراً فتش في جوالها وحصل بلاويها طلقها طلقه وحده وهي طلبت ترجع يوم شافت اخوانها واهلها وابوها يعاملوها كالغريبه ،، ويوم رجعت رجعت تبي فلوس قلنا مايخالف 10 آلاف وعطور ولاكن صارت كل سته شهور تسوي هذي حركه على زعل تافهه وماخذتها حلى ،، فيه وحده من صديقاتي شافتها في احد الإمكان وكانت تقول الحريم انا بخليه على حديده علشان اتزوج حبيبي ،، قالوا لها بنات الي معها حرام عليك ماتبينه اطلبي طلاق او اخلعيه قالت ما اخلع لان قاضي بيقول لي ادفعي له ،، وسألتها صاحبتي تكلمين فلان فين قالت علشان مايطلع رقمه في فاتوره ولا في واتس وأكون شريفه في نظره انا أكلمه انستقرام وهو نايم ومرات وهو في عمله ومرات اذا طلع زياره ،، وكل ما اشوف زوجي أتظاهر بالنوم ،، علمت امي وقالت بينهم اطفال ،، وأتمنى ربي يكشفها ويقلب عليها دائرة ويرد كيدها بنحرها مع العلم معد صرنا نطلع السوق بسببها تناظر شباب وتغمز لهم واخوي يحسبه نحن ( اكيد فيه منكم يقول شعرفك هي تتظاهر انها مشغوله بالجوال رشاشه جوال سوداء ومحل فيه انوار شفتها يوم تغمز .. حسبنا الله ) انا الود ودي وخاطري يطلقها بدون رجعه وتفتك منها وتتزوج الي تبغاه وتريحنا من مشاكلها واكل فلوس بغير وجه حق ومصيبه مقدر أكلم اخويبالحقيقه اخاف يموت من صدمه