أهلي يعاملونني وكأني وصمة عار في المجتمع لأني أنثى

السلام عليكم انا بنت عمري 25 سنه اعيش مع عائله متحجره انا البنت الوحيده ما عندي خوات مشكلتي ان ابوي و اخواني يكرهوني لاني بنت و شايفيني عار على المجتمع ابوي ما يطيقني و دايم يدعي علي و دايم يسبني و اخواني تعلموا منه صاروا يعاملوني مثل معاملة ابوي لي ما يحترمني و اذا طلبت منه شي ما يعطيني ولو اخواني طلبوا يعطيهم عيونه مقصر معايا كثير دايم يهينني لحد ما جا يوم و صار بيننا خلاف على شي تافه و رفع علي الجزمه و انتوا بكرامه و ضربني بكل قوته بكل حقد بكل كره ما قدرت اتحمل و اصبر و دافعت عن نفسي مديت يدي عليه و سبيته و قلت له انا اكرهك و ياليت ما عندي اب من الصدمه راح و تركني من بعدها ما صار يضربني بس دايم يتلفظ علي بالفاظ سوقيه و بذيئه و يتلفظ على امي و يلومها بتربيتها لي انا اكره ابوي اكرهه لانه خاين و يشرب و يزني و ينظر لي بنظرة اني رخيصه مثل ما يسوي مع بنات الناس اخواني صار لي 3 سنوات ما اتكلم معاهم مع اننا عايشين بنفس البيت و معاملتهم لي مثل الشغاله و امي مغلوب على امرها لدرجة انها اكتشفت ان ابوي يكلم خالتي ولا قدرت تواجهه لانها خايفه منه و لما كلمت اخواني قالوا عادي ابوي رجال و شايل عيبه لكن اختك بنت ... انا تعبت نفسيا من اهلي افكر اني اهرب لكن وين اروح ؟