أغلب مشاكل بيت أهل خطيبي على الطعام، فهل هذا يدل على بخلهم؟

سلام عليكم انا مخطوبة من خمسة اشهر ، من شخص بعيد عني غير بلدي هو من Iran وعايش في Iran ، كملنه اجراءات العقد خلال هاي الخمسة اشهر تقريبا اربع مرات سافرت له لاكمال اجراءات العقد ، في كل سفر الهم اتعرف علية وعلى عائلته اكثر وعدني يكون بيت وحدنا ، حاله المادية بالنسبة لبلده متوسطة يشتغل بشركه اهلية لكن الراتب مو كل شهر يستلمة يبقى كم شهر الراتب بالبنك تالي يلا ايسلمو للموضفين وهذه مشكله ..... اهله وضعهم مادي متوسط او جيد لاعلم بالضبط ، لكن لاحضت عليهم البخل والشح من خلال طعام ، شجارهم على الطعام اذا احد خله شي بالثلاجة يرجع مستحيل يلكاه علما كلهم كبار فوق 25 سنة. كذلك لاحضت تفكيرهم كله بالفلوس وشلون يحافظ عليها ، بكل وسيلة تفكيرهم يقللون صرفياتهم حتى مصاريف عرس ما يسون عزيمه جبيره حتى لاتكثر صرفيات ، علما هو مزوج قبلي ومطلق , يعني مسوي عرس قبل ، انا مو مشكلتي شلون راح يسوي العرس بقدر ما افكر اخاف يطلع رجل شحيح بخيل . علاقتي العاطفية وياه جيده مافيها شي وممكن تصير احسن ونكون اسعد زوجين لو ماخوفي وقلقي من وضعة المادي وممكن تخرب تالي اخاف يطلع شحيح ماتحمل وضعيته