أخي أصبح يتمنى موتنا بعد زواجه من هذه الإنسانة

السلام عليكم ورحمه الله وبركاته' عندي موضوع يضايقني بالحيل حتى اتعب امي وابوي ' انا فتاه عمري ٢٥سنه ' كان لنا اخو عمره الحين بالاربعين ' وكانت علاقتنا معاه زي العسل وكان بار والدين بالحيل ' واتذكره وانا طفله كان يجيب لي ولخواتي العاب يعني كان يحبنا كثير ' تزوج وجاب عيال ' ومرت الايام وفجأه تغير علينا ١٨٠درجه ' اتذكر قول زوجته قالت لامي والله لا اشوه سمعه بناتك' تقصدنا احنا ' وكانت تحيب سوالف من راسها وتقوله لاخوي ' وصار اخوي يجينا ويضربنا بسببها ووصل للشك فينا 'لدرجه اول مره اشوفه يمد يده على امي ومره تهاوش معي ابوي ودف ابوي دفه قويه ابوي انصدم منه ' مدري وش اللي قلبه علينا ' لدرجه مايبينا نتزوج ' كل همه زواج بناته وبس' حتى يوم امي اصابها مرض السرطان مانسيت كلمته يوم قال احسن تستاهل ' وابوي ايضا مرض بوعكه صحيه خطيره ولا سأل عن ابوي وعن امي 'الحمدلله تعافو ' حتى صاير يصلي بالبيت ' كان يصلي بالمسجد ' تغير كثير من تزوج هذه المراه ' بنى بيت وطلع ' ماشفناه من ثمان سنوات ' ولا ندري عنه بشي ' على عملته بأمي وابوي ' الا ان امي وابوي يدعون له بالهدايا وابوي مسامحه لانه خايف على اخوي ان الله يعاقبه' وبنفس الوقت امي وابوي حلفوا مايسامحونه الا اذا طلق زوجته ' لانها هي سبب كل المشاكل ' احيانا يوم اطلع اصادف اخوي بالمول ' واشتاق له واشتاق لايامنا معاه وابكي ' اسأل الله ان يرده لنا