زوجي ضعيف أمام أهله وأمه تتبع أساليب رخيصة في إيذائي

حماتي مشعوذة السلام عليكم ورحمة الله وبركاته. شكرا لهذا الموقع المتميز و شكرا لكل واحد بيقدم نصيحة من القلب. انا امرأة متزوجة منذ 7 سنوات عمري 34 سنة ولدي ابنة تبلغ 5 سنوات. منذ تعرفت على زوجي حبينا بعض و كنا كثير متفاهمين. لما كنا بعد مخطوبين اتخليت على شغلي من شأن زوجي مع انو كنت إطار عالي بشركة فرنسية و بسافر كتير لفرنسا تبع العمل و بحصل دائما على رضاء رؤساءي نظرا لجديتي و حرصي الدائم اني أكون الأفضل. بس حبي لخطيبي هو يلي خلاني اتخلى عشغلي خاصة انو ميسور ماديا والحمدلله. بس من يوم ما تزوجنا ابتدت المشاكل مع اهلو خاصة مع حماتي مع انو والله العظيم ما قصرت معها بشيء وهي مطلقة من 30 سنة ، و مع أخت زوجي عمرها 48 و ما تزوجت ابدا. احنا صحيح انا و زوجي مستقلين بالسكن بس كتير بيدخلوا بتفاصيل حياتنا. ما في شئ نتفاهم عليه انا و زوجي إلا و يبطل. للأسف زوجي شخصية كتير ضعيفة مع أهل. حتى أموالو بيخبيها ببيت اهلو. و لما بطلب منو يودعهن بالبنك يئلي امي رح تزعل. زوجي في عندو أيضا 6 أخوات آخرين و 2 كمان من أم ثانية. مع أنهم ميسورين الحال بس طمعهم ما الو حدود. حاولت كثيرا اني انبهو بخطورة الوضع و انو مو مجبور انو يصرف عليهم و على أولادهم و على اعيادهم و على لبسهم. هو مطالب انو يصرف بس على امو و اختو. لكن في الأخير بيرضخ لمطالبهم. انا بعرف انهم يستغلوا طيبتو و دائما بيشتكي من طلباتهم يلي ما تنتهي ابدا بس في الآخر بيضعف قدامهم. الطامة الكبرى ليس فقط ما سردته لكم أيها الأفاضل ... حماتي لما علمت اني أصبحت اطالب زوجي بشراء منزل ، على ملكنا الخاص ياوينا لان لليوم احنا بالكراء ، ثارت ثائرتها و أتبعت اساليب رخيصة و محرمة الا وهي السحر. كل هيدا بس منشان يصرف عليها و على أولادها مع العلم انو زوجي هو أصغر اخواتو. احنا هلا في عنا 9 أشهر مفترقين. مو حابب انو يشوفني أو يشوف بنتو مع انو بيموت فيها. تاعب بالشغل ، عندو دائما أوجاع بمعدته و غثيان. و عم بيفكر بالطلاق. انا هلا ببيت أهلي انا و بنتي بلا شغل بس الحمدلله أهلي ما اتخلو علينا ولا لحظة. أبوها لا بيسال عليها لا في عيد و لا أي شئ . انا ما بلومو لانو مو بوعيو. ما فيني غير أني اقول "حسبي الله ونعم الوكيل " . شكرا لتفاعلكم معي و عذرا على الإطالة