أتمنى لأمي الخير وهي تسعى لخراب بيتي

السلام عليكم .. عندي مشكله وماعندي أحد اصارحه و بأخذ رايكم و تنصحوني اذا في غلط ... انا متزوجه صارلي سنه تقريبا .. و عندي مشاكل كبيره مع امي بسبب هالمشاكل تقريبا ماكلمتها ولاشفتها طول مدة زواجي .. امي قبل لا اتزوج من كنت صغيره كانت تكلم شباب ونتعرف على شباب وايد و قدام عيونا ولاتستحي من عيالها وبناتها و لما كبرت صار عمري ١٧ صارت تصارحني انها تكلم شباب و تروح قدامي تواعد شباب وطول حياتنا هذي حال امي و ماكنت اقدر اقول للوالد عشان اخاف على امي ، ومره كبر الموضوع خلتني اكلم صاحبها و تواعدت معاه و خلته يشوفني وقعدت معاه وسولفت و بعدها صارت جريئه حيل صارت تقولي وديني القهوه عشان تقعد مع شباب انا كنت ما افكر اقول لأحد لان خلاص ماقام يهمني الموضوع بعدين امي صارت فجا تكرهني لما كبرت صارت ماتبي ترضى علي ص ت اسويلها كل شي ترضى علي بس لما ابي اسويلها شي او تبي مني فلوس أما عند المشاكل تنكرني وتقط علي بلاوي ، لين لما انا خطبني الي اهو زوجي حاليا خطبني صرت أقابله بين فتره وفتره اهي تدري و فجا راحت قالت لاخوي و الوالد بنتك تقابل خطيبها فا قامت الدنيا وماقعدت و خطيبي قال أنا يتزوجها الاسبوع الجاي محد له شغل و خطيبي عجل بالزواج وتزوجنا وردت علاقتي حلوه مع الوالد واخوي بس امي حاقده علي و تكرهني ماتبي تكلمني مع اني ماسويت شي كلش لها وهم مافضحتها عن سوالفها ولاقلت للاخوي والوالد عن الأماكن الي تروحلها بشلي الحين ماتبي تكلمني ولاتتواصل معاي وبراسها شر علي يعني لي درجه ابوي يقولي الوالده لاتكلمينها براسها شر عليج وانا حيل خايفه تفرق بيني وبين زوجي لان امي كلمت ابوي و كانت امي قاعده عنده قلت لابوي أنه انا علي دين صارله سنه خذيته عشان امي و امي مادفعت تقدر تدفع قبل لا تنرفع قضيه علي ، ردت امي بصوت عالي قالت لا ماخذت عشاني شوفو خذت حق من الدين ، كانت تبي تشكك زوجي فيني و انا حيل مقهوره لان امي ماتبيلي الخير وانا حيل ادور رضاها وخايفه من ربي يحاسبني هل انا غلطانه هل ربي ماراح يرضى علي والله صرت بحيره من أمري والله مقهوره ظلمتني قدام ابوي وزوجي و هم تتكلم من ورا ظهري أنه انا موزينه يعني حتى لو انا موزينه اهي امي ليش تتكلم عني بهالكلام ليش تبي تخرب بيني وبين زوجي حتى زوجي خايف علي منها لان اهو يعرف واجد عن امي بس هم يبيني وشاريني . ابي احد صج يرد علي لان والله تعبانه حالتي موتمام ,