خائفة أن يسرقوا خطيبي الوسيم مني

مرحبا.. انا عمري ٢٣ سنه خطبت من حبيبي وعشنا ضروف صعبه لحد ما اخيرا خطبنا.. هو عمره ٢٤ سنه. بشتغل مهندس و بكمل ماجستير.. خطيبي شخصيته اجتماعيه و شخصيته حلوه و كتيير جزابه و بهتم بجسمو و شكلو و بلعب حديد.. المهم شغلو كان في وحده بضلها تبعتلو مسجات و ترن عليه بدون سبب ف هو بهدلها وحكالها ما ترن عليه و بالجامعه عاملين قروب واتساب هو الشب الوحيد مع ٢٠ بنت كل يوم وحده بتيجي بتبعتلو اشياء تافها حسيت زي كأنو بس بدهم يحكو معه و في بنات برنو عليه باليل على اساس بدهم اياه يفهمهم شي.. انا يضايقني هاد الموضوع كتير لأني بغاااار عليه كتير هو ما برد عليهم و بطنش و انا واثقه فيه كتير و اتفقت معه انو اي وحده بتبعتلو يحكيلي عشان حابه يكون عندي علم و اخد حذري ازا تكرر اسم بنت منهم بس كل يوم بتيجي وحده تبعت و هو بحكيلي لأني طلبت منو بس انا ما توقعت كل هدول يبعتولو انا بثق في بس لما يحكيلي كتييير بضايق بحس حالي بدي اتفجر من الغيره مش قادره ااستحمل و مش عارفه ايش اعمل انا ولا عمري شكيت فيه ولا عندي حركات امسك موبايلو و اشوف مين ببعت و احنا كتير متفاهمين مع بعض حاولت اكون متفهمه انو مش مشكله زملاء و بساعدو بعض عشان الجامعه و بس تخلص الجامعه رح ينهي بس بضايق غصب عني و مش قادره استحمل.. وانا مش واثقه بالمجتمع الي احنا في لأنو كل يوم بسمع قصه عن بنات بسرقو ازواج صحباتهم او اخواتهم او همه لسه خاطبين و حتى لو كانو بحبو بعض.. انا ما بشك في بس لما يكون المجتمع الي احنا في البنات بالجامعه بطلعو بتنانير و فساتين قصيره و اجسام حلوه الا ما يطلع عليهم يعني هو بحبني كتير و بحب كل شي فيني بس رينا ما حرم الاختلاط بدون سبب و انا كتير خايفه حد ياخذو مني.. ايش اعمل؟