أشعر بالخجل والصدمة من قرار أمي بالزواج

هذا يعتبر عقوق، انك تمنع امك من حقها، هذا كلام من شيخ ان اي احد يمنع امه من الزواج يعتبر عاق و لا تنسى أن العقوق كبيره من الكبائر و على حديث الرسول صلى الله عليه وسلم أن الجنة لا يدخلها عاق. و ما فيها حرج زواج امك اعرف وايد حريم فوق الخمسين تزوجوا و عندهم احفاد محد عيب عليهم هذا الخوف فيك انت بس. المراة ماراح تفكر تتزوج مره ثانية الا و اهي فاقده شيء و امك الله يطول في عمرها بيتكم و كبرتم و مو قاصركم شيء. الناس كامهم ماله قيمه في حكمه متعلمتها من امي " مادام مو حرام و لا يغضب الله و لا يخالف الدين كلام الناس بالطوفه". ترى الناس ماراح تعايرك هذا حوفك الحين الناس دراسه و فاهمه و عارفين شرع الله اذا كان حلال محد له حق يعترض. تذكر امك ثم امك ثم امك يوم القيامة راح تسأل على هذا الناس و كلامه ما يسون غضب الله و عقوق الام. مادام الرجل طيب و خلوق و امك تبيه و بيون بعض بالحلال لا توقف في وجههم. الله يوفق امك بزوجها و الله يهديك انت و اخوانك و خلوا كلام الناس بالزبالة لانه ماله قيمه مادام ما سوت شيء يخالف الشرع. احسبها صح عقوق الام و غضب الله و غياب الدنيا و الاخره و لا كلام الناس الي ما منه فايده في هذي الدنيا الفانيه؟ اختار صح و بالتوفيق. و عل فكره ٥٢ مو كبره توه بشبابها و اعرف واحد حريم بهذا العمر شكلهم كبر بناتهم لانهم يهتمون بنفسهم. لا تخجل من شيء لأن شرع الله معاك و انت قاعد تبي امك فلا تنزل راسك و لا تخجل. لو انا مكانك انا تتكفل بالعرض و شهر العسل و تأثيث الشقه. بر الام باب من أبواب الجنة لا تنسى رضاها من رضى الله مادام لا يخالف الشرع و الدين. و الله الموفق.