أمه متسلطة وحشرية وحاكمة فماذا أفعل؟

انا عمري 33 سنة خطبت دكتور كنت بشتغل معاه وهو منيح وطيب ملخص القصة طلبت من خطيبي اقدم امتحان مستوى ان انجحت فيه راح اشتغل في مكان بعيد طلبي كان مجرد عرض فكرة انا نفسي مش متشوقه الها وافق ورحب في الفكرة ع اساس اقدم امتحان وبس يمكن يكون في شغل يوما ما قريب واتفقنا وكنت مبسوطة طلعنا ع بيت اهلو وحكالها الفكرة لامو عصبت وصرخت وقالت كلام جارح جدا جدا جدا وطردتني من بيتها بدون اي رد فعل مني هو كان يدافع بس بطريقة عادية ومديت اسلم وانا طالعة رفضت راضاني خطيبي وكان يحكي امي عمرها سبعين اتحمليها مع العلم انها فيها روح للميك اب والمشاوير وحاكمة كل البيت وزوجات اولادها متل العبيد مر اسبوعين مافتحت تمي لاهلي ولا لحد بعد مدة اتفقنا ع الزواج طلبت بيت بعيد عن امه مع العلم انها فوقي رفض طلبت ما تتعرف عليي وما ازورها رفض طلبت تحكي معي اول عشان اتواصل معها عادي وانسى الموضوع رفض لانه ما بقدر يحكيلها حكيت لاهلي وقتها وبابا حكى معاه بادب وزوق واتصل ع ام خطيبي وحكو مع بعض بمنتهى الحب بس ع اساس امه تحكي معي تراضيني ما حكت خطيبي بزن اروح عند امه ازورها وانا كرامتي مش متحملة بحكيله طيب خليها بس ترن تحكيلي تعالي نضفي معي البيت اي شي حكالي ما بقدر ومش راضية علما انها موافقة وكلها رضى ع زواجنا بس بشرط اجي انا عبيتها وغير هيك مافي زواج انا كرامتي وجعاني كلامها اجرح من جارح وهاد احسن ماعندها وهي متسلطة وحشرية وحاكمة وبدها تكسر راسي وتزلني شو اعمل