شعوري بالكتمان سوف ينفجر بسبب؟

السلام عليكم أنا بنت عمري ٢١ سنة وعندي اختي اصغر مني بسنتين احس اهلي يفرقون بيننا بالمعاملة لأنها إذا زعلت او شي كلهم يحسون فيها ويدارون خاطرها اما انا لا.. مشكلتي ما أحب اتكلم واتشكى ابد بس هذا مايعني انكم تجرحوني وماتهتمون بمشاعري!!قبل فترة جا واحد يخطب يبي قرب ابوي بس ماحددو مين بالضبط ابوي رشح اختي هذي وقال انه يناسبها اكثر وانا كان عادي عندي وبالعكس مبسوطة لها لكن اختي زعلت من ابوي وقالت ماراح تتزوج قالها ابوي ان ماطلعتي نظرة شرعية للرجال بخلي فلانة تطلع*اللي هي انا* وفعلاً كلمني يحاول فيني انتي الكبيرة والمفروض مانزوج اختك قبلك ومدري ايش !! جلس يحاول فيني بس عشانها عيت تطلع للرجال!! كان من اول ليش كذا تحسسوني آخذ فضلتها؟ ليه توني اصير الكبيرة؟؟ هذا اكثر موقف اثر فيني وتعبني نفسياً من ابوي غير هذا ملاحظة امي ماتهتم اذا جيت اسولف،يعني اكون اسولف معها وماترد علي وبعدها بشوي تكلمها اختي وترد وتتفاعل معها، اتضايق مره اذا سوت امي كذا اضطر اطلع من المكان عشان مايبين على وجهي !! مو مره ولا مرتين دايم الاحظ هذا الشي صرت قليل اتكلم معها احس من زود الكتمان بنفجر بيوم .. ابي اتكلم ابي افضفض بس مو قادره ماحبببب ذكرت لكم موقفين من مواقف كثير لكن تكفون ساعدوني كيف احسس نفسي ان الوضع عادي ومافيه تفرقة بتعاملهم