تهددني بفضح صوري وأخذ بناتي مني!

انا جدا تعبانه نفسيا واحس هم شديد وصرت شبه مكتأبه من الحياه المشكله اني ارملة وقبل 5اشهر كنت اتواصل مع ولد خالتي وهو متزوج وعنده عيال.هو كان يرسل لي ع الواتس وانا لما عرفت انه هو حاولت اتهرب وما ادخل معه في علاقه وغيرت رقمي اكثر من مره عشان مايعرف لي رقم ويتواصل معي لكن كل ماغيرت رقمي اخذه من جوال زوجته او جوال خالاتي وراسلني (طبعا هو ولد خالتي وزوجته من خالتي الثانيه يعني امي امه وام زوجته خوات)المهم انا في فتره من الفترات كنت احس وحده شديده ومن كثر ماكان يقول انه يحبني صرت ابادله نفس الشعور طبعا مع يأس لان احس صعب نتزوج وهو قال مره ودي نتزوج قلت له انسى مستحيل اتزوجك وادمر بيتك كنت افكر في زوجته وفي خالاتي وفي عياله المهم غلطتي الكبرى اني ارسلت له صور لي طبعا بدون وجه لكن صور مو عريانه عاديه مثل يدي صدري باللبس جسمي اذا لبست فستان والغلطه الكبرى ارسلت له سناب وجهي لكن بفيسات لكن مو واضح مره وهو كان يقول انه يمسح المهم كنت احاول فيه نبعد وحظرته مره واتصل وطلب مني افتح الحظر وهددته بغير الرقم وطلب مني لا اسويها قال بس ابي اتطنت عليك من وقت لاخر وبعدها صار يرسل لي وما ارد. المهم اخر مره كلمني وقال زوجته اكتشفت وبعدها حسيت مصيبه نزلت ع راسي وكلمتني واعتذرت منها وبكيت لكن هي لقت الصور والرسايل والان لها 4 اشهر تهددني لترسلها لاخواني وتفضحني بين الناس وفعلا ارسلت لاختي الكبيره اشياء وعلمتها والان امها علمت اخوي الصغير والان بنت خالتي تهدد بترسل لاخوي وقالت عني كلام وسخ وبذيء جدا واتهمتني اني مو شريفه وقذفتني وانا والله كل اللي كان بيني وبين زوجها رسايل ولا سويت معه جنس ابدا الدا لكن هي تتهمني وبتعلم اخوي الكبير والناس والعايله وتقول بتروح المحكمه تشكيني انا ادري اني غلطت ومافي احد مايغلط واعتذرت منها وبكيت لكن هي ناويه تدمرني وتهدد اختي انا ماعاد اكلمها وغيرت رقمي بعد ما اذتني بالكلام انا ارمله وعندي بنات اطفال وعمري 35 وسمعتي بين الناس كبيره ومعروفه بالعقل والحكمه والتميز والانتصار في الحياه واعتمادي على نفسي وبنائها لكن تقول بتعلم حتى اهل المرحوم زوجي وتتكلم في شرفي عشان ياخذون البنات من المحكمه وانا وهم اصلا بيننا مشاكل تركه يعني مابيصدقون تكفون ساعدوني انا تعبانه والحياه مسوده في وجهي وتعبانه حسبي الله ونعم الوكيل