تعبت من أفعالها وسرقتها لذهبي

السلام وعليكم انا ست متزوجه من ثلاث سنوات تقريبا عندي بنتين موظفه .مشكلتي من بداية زواجي مع اهل زوجي بلشت المشاكل بعد تقريبا 6 شهور من الزواج كانت في البدايه مع بنت حماي بتدخلها بكل اموري حتى تعاملي مع زوجي كانت تدخل فيه .انتهت بنت حماي لتيجي مرت ابوه لزوجي بتغار كتير كوني بشتغل بطلع كل يوم الحمد لله ما عم ينقصني ولا اشي زوجي منيح واهلي كمان كتير مناح لحد اليوم بيعطوني مصروف قبل ثلاث اسابيع ضاع مني قطعت دهب كان خاتم اتوقعت يكون وقع بالشارع وبعدها باسبوعين رجعت فقدت من بين دهبي سنسال العرس .مع العلم ما حدا بيدخل بيتي سوى اهلي واهلي مستحيل يعملو هيك اشي هلا بس فقدت السنسال حكيت لبيت حماي انا بدي اشتكي ما خلوني اشتكي سكته على الموضوع ولا كانه في اي شي مسروق طبعا بوقتها حكالي حماي روحو على جارتنا بتنجم وبتعرف مين يلي اخده رحت على اربع واعطوني نفس المواصفات بعدها حكيناله انهم اعطونا هاد الوصف طبعا هو ما عجبوه لانه وصف زوجته تاني يوم اتصل ببابا وحكاله انا بدي اروح اشتكي على يلي اعطاك اوصاف زوجتي حكاله بابا روح .هلا تاني يوم طلعت مرت عمي لعندي على البيت دقت ما رضيت افتح الباب لانه خفت من المشاكل بعدها بتحكي لسلفتي اني انا بسب عليها مع اني انا ما بسب عليها بس بحكي حسبي الله ونعم الوكيل فيها بس سمعت بتحكي اني بسب عليها فتحت الباب حكيتلها ايش بدك انا ما بدي احكي بالموضوع ورجاء خلص طبعا حكينا كتير واحنا واقفين على الدرج انا وسلفتي وهي طبعا وهي بتحلف انها ما شفت لا السنسال ولا الخاتم بعدها بشوي طلبت تدخل الحمام فدخلت الحمام عندي بالبيت مع انه هي علاقتها بسلفتي اقوى وحكتلها سلفتي ادخلي عندي حكت لا ما بدي دخلت الحمام كبت السنسال جنب باب الحمام بس رمته سمعت صوت الخرخشه وصوت خبطته بالحيط بعدها نزلت وهي بتدعي علي وعلى امي انه احنا ضلمناها طبعا انا بس دخلت البيت بعد ما نزلت ولقيت السنسال بلغت الجميع وتركت السنسال على حطته اجى عمي اخد السنسال وحطه بجيبته وحكى بدي اخده على المختبر الجنائي وطبعا لا اخده ولا عباله خلاه بجيبته وتاني يوم اعطاه لزوجي وجابه زوجي والمشكله الاكبر انه مرته لسه بتحلف انه ما شفته ولا هي الي حطته لا وبس حطته بنتها عمرها 12 سنه بتطلع عليها بدل ما تكون قدوه حسنه لبناتها بتعلمهم الغلط .اليوم روحت من الدوام وكان عندي مشوار واتاخرت بره لانه مالي نفس اروح على البيت روحت لقيت سته لزوجي عامله عرس لمرت ابوه انه هي سرقت سنسالي واخدت خاتمي طيب انا شو دخلني كنت بدوامي ومن دوامي طلعت على الوزارة الخاصه بعملي وبعدها روحت الي زعلني انه زوجي بيتصل في يعاتبني انه عجبك يلي عملته ستي فيها انا شو ذنبي احكولي انا حكيتلها تمد ايدها على دهبي انا حكيتلها تدخل بيتي وانا مش موجوده .والله تعبت حلولي اياها شو اعمل