حماتي بخيلة وتحرض زوجي، ما الحل؟ (1)

قضايا اجتماعية
حماتي بخيلة وتحرض زوجي، ما الحل؟ (1)

السلام عليكم أنا متزوجة من سنتين و عندي مشكلة مع حماتي مشكلتي هي انه حماتي بتكره اشتري الي اي اشي مهما كان بسيط ، و حتى لو كنت بحاجة لهاد الاشي مثلا لما كنت حامل سالني عمي اذا كان عندي فستان حمل عصبت و قالت ليش تشتري في عندها مع انه اول بطن الي يعني من وين بده يكون في عندي، في اخر حملي اشتريت عباي و كنت مضطرة الها لما عرفت لامتني و قالت لي ليش تشتري مع اني وقتها كنت اشتغل و اشتريتها من راتبي ، قبل يومين اشتريت لابني اواعي للعيد ،بس روحت سالتني اشتريت اشي الك قلت لا بس ناوية اشتري عباي للعيد ، بالليل بعد الفطور بنت حماي شارية عبايتين ورتنا اياهم ، و زوجي حكى حلوين شوفي اشتري الك حكتله ليش تشتري عندها من اول ، وغيرو كتير مواقف...... و الموضوع مش عاللبس لما ولدت ابني زوجي دفع علي 28 د زعلت و عصبت بس عرفت انه دفعهم علي قالتله ما عرف هالتامين يغطيهم ، انا خايفة كلامها مع الوقت ياثر عزوجي و يصير بخيل علي متل ما هي بخيلة علي، من يومين صارحت زوجي انه انا مدايقة من كلامها هاد قالي انت بتبالغي و كمان شوي راح يطلعني انا الغلطانة و كمان الحكي بدايق يعني الها بنت متزوجة بتشتري اضعاف الي بشتريه انا و ما بتحك شي ليش انا هيك بتتعامل معي ما بعرف ، احكولي شو اعمل و الله تعبت من كلامها هاد عالطالعة و النازلة ؟!!

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدرب ماهر سلامة سيدتي ممكن وبطريقة ذكية أن تتهربي من التواجد معها في حال الشراء أو أي شيء، وابقى هذا الموضوع لبيتك، ولا تشاركيه مع أحد، وأيضا بإمكانك أمام حماك إخبارها يا حماتي يا أمي أنت بمثابة أمي اتركي لي هذا الموضوع، أنا كبيرة وحريصة وبعرف أقدر، وأنت لا ترضين أن أكون زوجة ابنك ولست بمستوى عائلتكم الكريمة، لماذا يا أمي يا ؛ماتي تستخسرين فبي أنا أي شيء، وفي نفس لاْن زوجك ابنتك غريب لا تدخلين. اطلبي منها بشكل واضح وترجيها بألا تتدخل بهذا الشيء، فأنتم حريصين. بالتوفيق سيدتي
  • صورة علم Turkey
    صورة علم Turkey
    من مجهول
    كل الحموات بيبخلو على الكنة بيحبو بس يشترو لبناتهم عادي الكل هيك
  • animate

  • صورة علم Jordan
    صورة علم Jordan
    من مجهول
    تشتغلي شغل النسوان الزّن بصير جوزك مقتنع بكل كلامك ولو غلط
  • صورة علم Lebanon
    صورة علم Lebanon
    من مجهول
    هاي حماتك بتغار يا عزيزتي . اجلطيها بلكي بتموت و ترتاحي منها و خلي شخصيتك قويه و لا تسمعي كلامها و دائما اشتري اشياء وملابس جديده ولا تهتمي وغي حال قالتلك عندك تياب لا تناقشيها وبس تكوني انتي و زوجك لوحدكم تدلعي عليه و قوليلو حبيبييييي ما صار لازمني تياب جديده طيب شوف ما عندي شي جديييييد بيصير يعطيكي مصاري و تلبسي و تغيظي حماتك و لا تنسي تلعبي دور البريئة المستضعفه قدام جوزك و مطيعه قدام حماتك كرمال هاد النوع من الحموات لازملو نسوان اقوى منو وانشالله تاخدي بنصيحتي وكوني معها متل الحية لانها هيي كوبرا وتستاهل هيك و سلام...
  • صورة علم Jordan
    صورة علم Jordan
    من مجهول
    ولا تعملي شيء طنشيها هي بتحاول تستفزل وكوني مع زوجك منيحه وحاول تاثري عليه بكلامك الحلة ومعاملتك الطيبه معه هيك اصلا ما رح يرد ع امه
  • صورة علم Bahrain
    صورة علم Bahrain
    من مجهول
    حبيبتي هيك الحموات حلال على بناتهم وحرام على كناينهم اسالي مجرب
  • صورة علم Qatar
    صورة علم Qatar
    من مجهول
    الموضوع ببساطة اسمعي الها و اذا كان كلامها منطقي نفذي مو منطقي قولي حاضر و بعدين اشتري ولا تحكيلها طبعا . مو ضروري تناقشي حاجياتك قدامها و عليك بالدعاء و صلاة القيام . و دعاء الخوف دوري عليه في الانترنت
  • صورة علم Jordan
    صورة علم Jordan
    من مجهول
    الحل معها انك تخلي حالك مش سامعتبها ولا مهتمه ابدا اشتري الي بدك اياه .حبيبتي انتي الخسرانه اذا زعلت منك او زعلتيها كلهم رح يكونوا معها من زوجك لحماك .كوني ديبلوماسيه معها لما تحكي معك اسمعي وبعدها غيري الموضوع ولا كانك سمعت شي هيك الشخصيات النكده بدها هيك معامله وخاصه انها ست كبيره يعني داريها زي الاطفال وانت الكسبانه.
  • صورة علم
    صورة علم
    من مجهول
    عامليها مثل امك واغفرى لها حتخجل منك وحتصبح تعاملك مثل بنتها المهم انتى بادري بالاحسان وكسر حاجز الكراهية بينكم
  • صورة علم
    صورة علم
    من مجهول
    حماتك لن تدوم لك العمر والاعمار بيد الله، حاولي ان تضع حد لحماتك بقوة الاحترام والهدوء والهيبة لا بمجاراتها في مشاكلها
  • صورة علم
    صورة علم
    من مجهول
    لا تتجاوبي معه استفزازاتها.. واكسبي احترامك لنفسك، قلة الكلام سلاحك الاول، حاولي تكسبي زوجك لصفك فالزوج يحب ان يرى زوجته لا تغضب أمه
  • صورة علم
    صورة علم
    من مجهول
    انتى ما تعطيها مجال للتدخلات الزائدة واطلبى من زوجك اشيائك الضرورية بحيث لا يلومك احد من طلباتك المنطقية
  • صورة علم
    صورة علم
    من مجهول
    ما تهتمي لكلامها وتلاحقيها المهم يكون زوجك مرضى منك ويسمع كلامك عامليه بالحب والحنان حتى لا يستمع لوالدته

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟