هذا السائق قلب حياتي فكيف أتصرف معه؟

السلام عليكم انا متزوجه وعندي طفل الحمدلله انا واحده محترمه والكل بيشهد لي بذلك ولكن حصلت لي مشكله دمرتني من فتره كان عندنا شغل في البيت بيحتاج اني اخد عربيه مخصوص فكان معانا رقم سواق جارنا هو فانا كنت بكلمو واقولو عايزينك تاخدنا للمشوار كذا كان بيجي فكنا بنحتاجو كتير قوي طبعا انا مسجله رقمو لاني بكلمو دايما وححتاجو فيما بعد ومش حفظاه طبعا لكن هو طلع مريض وسجل رقمي اتفاجات اني لما انزل حاله علي الواتس الاقيه بيشاهدها تاني مره اتصلت بيه علشان ياخدنا مشوار بيقولي انتي فلانه انا من عبطي قلتلو ايوه بس ندمت وكل حاجه قدام ماما يعني مابعملش حاجه من وراها ولا بخبي عليها حاجه المهم شغل البيت خلص وبطلت اتصل بيه ومسحت رقمو لاني مش هحتاجو تاني ابتدا بقي يرن عليا بيقولي انتي ماتعرفينيش قفلت الفون وعملتلو رفض تلقائي اتصل من رقم تاني اول ماعرفتو هو مابقيتش ارد عليه خالص بس انا تعبانه ازاي واحد زي دا يشوه سمعتي ويضايقني واتصرف معاه ازاي من غير شوشره ولا مشاكل ومحدش يقولي قولي لجوزك لان جوزي شكاك والمشاكل هتذيد انا حكيت لامي قالتي ماترديش عليه