أختي ترفض فكرة زواجي وتتهمني بأني لا أتحمل المسؤولية

لدي اخت اكبر مني بعده سنوات وقد تقدمو لي بعضهم لزواج وكنت ارفض عشان لاتزوج قبل اختي الكبيره وينكسر قلبها الى ان أتى نصيبها والحمدلله وتزوجت ورزقت بولد وانا أتى لي من تقدم لخطبتي ولكنها لازالت تشعر لا اعلم كيف اسميه هل حسد هل غيره لا اعلم مالذي يدور في نفسها. أتى لي شخص صاحب خلق وشان وكانت امي مبدايا موافقه وقلت بنفسي سوف اخبر اختي ان تقف بجانبي وتقنع امي لانه انا صليت استخاره مرتين وكنت مطمئنه. وبيوم كنت نايمه واستيقظت وأسمعها تقول لأختي ما ينفع تزوجوها هذي مو حق مسووليه والله انكسر قلبي ليه بس ليه كل هذا. انا في زواجها وقفت معها والله ما قصرت بشي هلكت نفسي هلك عشان تصير اسعد وحده واهي كل من تقدم لي تخربها علي اشعر باليائس و الحزن الشديد هذا بدل ما توقف جنبي وتستر على اختها وتجمع قلبين بالحلال تقوم تخربها وتكسر قلبي والمصيبه اذا حد تقدم لي امي تقول لها بيت فلان يطلبون يد اختك واخير تتغير صورتها وملامحها وتخاصمني وما تكلمني ابدا ابدا لين يخرب الموضوع ترجع تكلمني . والله اني تعبت قسم بالله الله يسامحها بس