أخاف أن تكون هذه الأحلام خيانة لخطيبي

انا بنت مخطوبة من شاب محترم جدا و كل بنت بتتمناه.. قبل الخطوبة كنت على علاقة حب بشاب بفترة الجامعة حبيته كتير لكن انفصلنا بعد ما اعطيته فرص كتيرة و انفصلنا لمدة سنتين و بهادي الفترة حاولت ابدا حياة جديدة و اقدر انساه الا انه حاول يرجع يتواصل معي و صار في تواصل بس ما رجعنا لبعض ضل تواصلنا عادي كان دايما يحاول يبين الي انو بعدو بحبني و متمسك فيي بس ما بعمروا كان صريح او فكر يحكيلي نرجع لبعض زي الي عم يعشمني بس بسبب تصرفاته هذه كنت دايما محتارة و مو قادرة ارتبط بحدا لغاية يوم قررت اسأله بصورة صريحة ازا بعده بحبني و بدو ياني او لا و وقتها حكالي انو بدو نرجع و نفسو نخطب بس اوضاعه ما بتسمح..، حكيتلو ما عندي مشكلة منخطب و برضا بأقل شي و بعدها اختفى لمدة شهرين وما سأل ولا اتصل ابدا انا وقتها قررت اطلعه من حياتي نهائي و قبلت اقابل شخص متقدملي و الي هو خطيبي و صار نصيب من وقتها ما فكرت احكي معه حتى.. بس الي فترة عم بحلم فيه و بشوفه بتطلع فيي بحسرة و شوق .. انا خايفة اخون خطيبي بالتفكير و حاسة انو هاد نوع من الخيانة والله العظيم انا مو هيك بس مش عارفة لي بضل احلم فيه و مو عارفة شو اعمل حتى انساه تماما لهداك الشب