زوجتي باردة جنسياًً !!
مشكلتي مع زوجتي .. علاقتنا الجنسية باردة جداً .. هي من النوع البارد الي ماتحب تغير اي حاجة ولاتبي تغير روتيننا .. حاولت اتكلم معها وافهمها وزعلت وصارت تتكلم بطريقة غبيه وان هالشيء ماله داعي.. ماتحاول تبذل اي جهد عشان تتغير وتحسن شكلها لي او تتدلع لي وتتغنج .. ولما اتكلم معها تلومني وتتتهمني اني اشوف افلام اباحية وان هي السبب الي يخلاني اتكلم معها بهالطريقة ووصلت معها تقول انها مب بائعة هوى وتسوي لي الي ابي!! كيف ممكن اتكلم معها واقنعها بعقل ان هذي علاقتنا الجنسية ولازم يكون فيه تجديد وتغيير بين فترة وفتره! بديت اكرهها وامل منها واشعر بعدم الانجذاب لها
الله يهديها ويهديك إلى طريق الصواب .. انته كلمتها ونصحتها وما نفع معاها النصح لأن يمكن انته ما قدرت انك تنتقل الكلمات أو الجمل الصحيحة اللي من خلالها هي تقتنع في كلامك .. خلي وحده من النساء في أهلك هي اللي تنصحها وتكون مقربة الها . ممكن أختها أو أمها أو اختك مثلا .. خل يبينون الها حاجتك انته لمثل هذه الأمور في العلاقة الزوجية .. بعد انته الله يهديك التمس لها العذر يمكن هي شديدة الحياء والخجل وما تعرف تسوي كل ها الأمور . وبما انك أخبر فيها علمها وشوي شوي حاول انك تزيح عنها بعض الخجل والحياء لما تكون معك في تلك المواقف الحميمية ..