صورة علم Saudi Arabia
من مجهول
منذ 3 سنوات 13 إجابات
1 0 0 1

الغيرة بين بناتي التوأم

السلام عليكم انا حبدالكم من البداية انا الحمد لله عندي بنتين توأم أعمارهم 9 سنين وحدة طيبة ووحدة عندها عرج برجلها اليمين وضعف في أعصاب اليد برضو معاناتي بدأت من وانا حامل في الشهر الثامن مرة وانا راجعة من عند دكتورة واحد الله لا يسامحو سحبلي شنطتي وفجعني وبعدها بيوم ولدت وطبعا جميع وظائفهم الحيوية تعبانة لانو خرجو من الكيس نفذ عليهم الاكسجين واوزانهم كيلو وشوية وكلكم عارفين أسعار الحضانات للخدج في المملكة مع العلم اني مقيمة وفضلت طول الوقت مراجعات

ودكاترة واضطريت اني أخرج اشتغل عشان أساعد زوجي على مصاريفهم وطبعا حطيتهم عند شغالات أشكال ألوان ووروني الويل الحمد لله ولما كبروا وحدة مشيت والتانية الين سنتين ونصف ما تمشي وكل الدكاترة اللي وديتها ليهم يقولو لي بس شد عضلي ما فيها حاجة فاضطريت أسافر بلدي واعرضها على أخصائيين ومن اول ما شافوها قالولي عندها نقص اكسجين في الولادة اثرلها على الجزا الأيمن وطبعا لاموني اني ما جبتها وهي لسة رضيعة فاضطريت اني أنزلهم الثنتين لبلدي في المرتبة الأولى عشان علاجها وعانيت الأمرين وحكمت الظروف انو وحدة عند امي ووحدة عند حماتي وفضلت بنتي التعبانة كل دي السنين علاج طبيعي

مرتين اسبوعيا ودكاترة أعصاب و عظام غير الأشياء الطبية اللتي تنجبر تلبسها في الليل والنهار وطبعا كلو مآثر على نفسيتها خاصة أنها متعلقة فيا مرررة. والحين بفضل الله ظروفي المادية تحسنت بفضل تضحيتي انا وابوهم وسويت بيت ورجعت لميت شملي انا وياهم الحمد لله صرنا مستقلين في بيتنا وابوهم ظل في المملكة. المشكلة البنات كبرو وتربو بعيد عن بعض فصار تصادم بينهم اول كم شهر مرة تعبت معاهم طول اليوم يتضاربو والمشكلة الأكبر بنتي التعبانة تقارن بينها وبين أختها وتغير منها طبعا و تحط كل عصبيتها فيها حتى لما تلبس الأشياء الطبية مستحيل تخلي أختها في الغرفة لازم أخرجها وتتغطا عشان أختها ما تشوفها وكل ما تكبر صارت حساسة بزيادة ولما يكون في تجمعات على طول تسحب نفسها وتنزوي عشان تخاف تمشي وتطيح قدام الناس و يضحكو عليها لانها حصلت كذا مرة وأحيانا أولاد يجرحوها يقولولها معاقة أو ليش تمشي كذا مع العلم انهم الثنتين من الخمسة الأوائل في الدراسة .معليش اني طولت الموضوع بس عشان تفهمو تسلسل الأحداث وتساعدوني في حل كيف أتعامل معاهم وبالذات التعبانة مع العلم انو أختها السليمة ماهي محسستها بمرضها وتساعدها على كثير أشياء وتدافع عنها لما أحد يجرحها بس مافي فايدة.والله يحفظلكم أولادكم جميعا ويسعدكم يارب⚘

أضف إجابتك

صورة علم United States
السؤال التالي