ابن زوجي سبب مشاكلي

سلام عليكم انا عمري 22 سنه متزوجه من سنتين و لدي طفله زوجي مطلق و لديه ولد عمره الان 10 سنين في البدايه لم نتفق على الولد وين بيعيش او اي شي لما رحت للبلد الي فيها زوجي لقيت الولد فالبيت المهم الايام الاولى عاديه شوي شوي بدا يغير ليش انام مع ابوه فالغرفه و هو لا ليش اسهر انا وابوه ليش اطلع مع ابوه لما هو يكون فالمدرسه انا ماكنت اعرف هادي الامور بعدين اكتشفت انو ابوه يخبي عليه اذا طلعنا او اذا سهرنا او اذا جابلي حاجه المهم مره دخلت الصاله سمعتو قاعد يسويلو استنطاق كيف تطلعو من وراي كيف تسهرو فالليل و تقولي انا بنام و انت تروح غرفتك و تسهر وووو انا بعدها فهمت انو بيغارت صرت انا كمان اخبي عنه اي شي راح يضايقه اللي مضايقني تصرفاته قليل ادب مايعبرني ولا يسمع الكلام الشي اللي انا ما ابغاه يروح هو يسويه يلفت انتباهي بالاغلاط اكلمه كلمه يقول ايش دخلك يجي الغرفه يطلع على السرير و رجوله وصخه و ابوه يطالع ما يحكي اذا انا حكيت ابوه يقولي خليه ياخذ راحته في الاكل نفس الشي يغلط اكلمه يرد علي ابوه وصار كم مره قمت من ورا الاكل الحمام يدخل و يخليه الله يكرمكم ما دري عمد ولا عناد ولا ايش بالضبط والله حرت لا وكمان يصير موقف يروح يحكي ل ابوه بعدين انا اجي اقولو لا صار كدا و كدا ويقولي ابوه قدامو انا ولدي ما يكدب بعدين يقولي انا ادري انو كدب بس ماحب افشلو قدامك اليوم صار موقف زوجي يحكي على زوج اخته و رد عليه ولدو قالو ايوه يا بابا انا اكره زوج عمتي و الله داك اليوم لما صرخ على عمتي كنت حقوم اضربه كففف!!! قلت له عيب راجل عمتك كيف تتكلم عنه كذا قالي انتي ايش دخلك ؟ انا سكت اشوف اذا ابوه بيكلمو او يقولو ليش تكلمها كذا لاااا قالي ايوه انتي ايش دخلك ؟؟ انا انصدمت شويه قلت له ايوه انا اسفه ايش دخلني و رحت فحالي و بعدها كلمت زوجي فالغرفه قالي ايش دخلك هو حر قلت له انا الطريقه هادي ما احبها التمادي على الكبار ما تربيت عليه و ابنك يا تخليه يحترمني يا انا بخليه يحترمني غصبا عنه قالي خليك بعيده لا تدخلي فيه ولا عاد تقربيه ولا تكلميه قلت له طيب ايش الحياه هادي  قالي هادا هو قلت له خلاص يبقا كل واحد يضرب حساب لنفسه من الان انا مش حضيع سنين عمري عشان انسان ماهو عاطيني قيمتي و ممرمطني قدام ولده لدرجت صرت احس نفسي جايبني للبيت بدل العامله المنزليه و المربيه و الطباخه انفجرت عليه و صرخت وبكيت اخر شي قالي نامي نامي فكينا شرك و نام و انا قعدت اغلي جاوبوني بالله ايش اسوي