زوجي يجبرني على مشاهدة أفلام إباحية فماذا أفعل؟

السلام عليكم، زوجي يجبرني على مشاهدة أفلام إباحية فماذا أفعل؟ أنا مش عارفة أعمل إيه وأرجو المساعدة من غير تجريح أنا وجوزي من وقت للتاني للأسف بنتفرج على أفلام إباحية وأنا مش بكون عاوزة بس هو بيشدني لحاجات زي دي مع العلم إني كنت بتفرج زمان وكنت تبت إلى الله توبة نصوحة لكن هو كل فترة يخليني للأسف أضعف وأرجع الأسوأ إنه بدأ كمان يزود في تخيلاته معايا وبيتخيل حاجات مع محارمه وأنا بجد تعبت وزهقت ومش عارفة أتحمّل ده أكتر

أنا حاولت أوقف الموضوع كذا مرة وكل مرة بيقولي ماشي وبعد فترة يرجع لنفس الحكاية تاني أنا مش عارفة أفسر ده بإيه وليه بيعمل كده خصوصًا إني مش مقصّرة معاه في أي حاجة وكل ما بيحتاجني بيلاقيني جنبه بصراحة أنا بدأت أحس بالاشمئزاز وكل مرة بحاول أتجاوز بيرجعني لنفس الدوامة وأنا تعبت

إحنا متجوزين بقالنا ٨ سنين وكنا مخطوبين ٣ سنين قبل كده وعندنا بنت وولد أنا بدأت أخاف من اللي جوا دماغه مع إنه قدام الناس محترم جدًا بس اللي بيحصل ده خلاني أشك وأتوتر أنا فعلاً محتاجة حد يساعدني ويقولي أتصرف إزاي لأن الوضع ده بقى ضاغط عليا جدًا ومأثر على نفسيتي وبيتي