ياليتني لم أتزوج منذ ذلك اليوم ودمعي لا يفارقني

السلام عليكم ورحمه الله وبركاته خواتي أنا خليني عبرة لكل وحدة فيكم أنا ست كنت متزوجة من واحد متزوج ومطلق وما عرفنا سبب طلاقه من زوجته الأولى طلع عاجز وما بقدر يقيم علاقة زوجية مع انو جاب فحص حيوانات منوية والنسبة عالية 75% ... اللي حصل انو في يوم زواجي ما صار شي واخدوني يتأكدوا إني عذراء أو لا والله عند بروفيسورة في المركز العربي وكشفوا عليي دكتورتين وطلعت عذراء والله شاهد على ما أقول وما حكولنا انو ابنهم تطلقت مرتو الاولى لأنو عاجز وأنا والله ما كنت بعرف شو الزواج والعلاقة بين الزوجين كان يتركني ويحط راسو وينام بس اضل اشتغل بهالبيت واطبخ وانظف واخدم امو ... وبعدين امو صارت غيرتها مني تحرمني الأكل والشرب والله أول أسبوع من زواجي لأني ما لقيت أكل نقلوني عالمستشفى كان دمي نازل وضغطي نازل وحكى الدكتور لو استنيتوا عليها نص ساعة كان دخلت بغيبوبة سكر... المهم عشت احقر ايام عمري اقضيها عند أهلي والله ما عشت معاه الا ايام بينعدوا عالايدين المهم حملت وما صدقوا كيف حملت وعجبوا عليي بالمشاكل ودخلوني بقصص والله ما كنت اقدر أدافع عن حالي... عشان أخلص شربت سم عشان ارتاح من هالجيزة وللأسف الشديد ما ارتحت لحقوني بالمستشفى ولما كشفوا عليي بالمستشفى لقوني حامل لكن لساتني بنت بعد سنة وشهرين من زواجي والله ما بعلم كيف الزواج ولا قدرت أكشف إنو انضحك عليي ولكن امو كانت تعلم بعجزه ... وسكتت وصبرت ونزل إبني وعند الإجهاض أصبحت متزوجة ... والله حردوني وحطوا الحق عليي بكل شي وأنا والله على قدر من الجمال وبعتني بنفسي جدا ... كنت أسأل نفسي يعني معقول أنا مو حلوه طيب ليش ما بصير معاي متل ما بيحكوا واصير أبكي وما الاقي سبب للي بصير وبعد ثلاث سنوات انجبت وكنت طيلة فترة الحمل والولاده عند أهلي لأنو ضربني أخوه وامو سبتني ورمتلي اواعيي بالارض واجوا أهلي ضربوهم واخدوا حقي منهم ... وضلت معاناتي كل ما احمل اضل متل أخت الو لحد ما اولد ويكبر إبني والله ما يصير علاقة زوجية واذا صار تكون من غير قدرة منه... والله صار عندي ثلاث اطفال وأنا على نفس الحال لحد ما اعترف للقاضي لما رفعت شقاق ونزاع وحكى إنو كلامها صحيح وأنا عاجز عن العلاقة الزوجية وحكم القاضي بالطلاق من أول جلسة .. ولكنه هرب وما قبل يطلقني واهلي ما بدهم بنتهم تطلق ...رجعوني كالعادة هوه كريم عليي بس بخاف من امو ورغم كل وضعو كنت أحزن عليه لأنو ضعيف شخصية والكل بهينو متل الطفل الصغير بس يجي يتزلمن عليي من امو منها لله الواحد القهار هيه وبناتها ... وضليت عشر سنوات وتطلقت دخل حياتي قريبي كان بعرف بمعاناتي بالمحاكم مع زوجي والله مو مني كان سامع من الأهل والناس وكنت موكلة محامي بيعرفوا اخوه الكبير... وهاد هوه اول حدا طلب ايدي لكن أهلي رفضوه لأني كنت صغيرة بالمدرسة 13سنة عمري كان .. وتزوج وخلف وأنا تزوجت وخلفت بعد الدراسة المهم صار يسالني واحكيلو بخير بحكيلي لا مو بخير ويدخلي إنو انا لحمتو وبخاف عليي وإني صغيرة وحلوة ولا تدفني حالك بدك حدا يستتك ويدللك ويهنيكي .. والله كنت ماخدة عهد إني ما احرد وحتى كان زوجي يطردني وما اطلع قعدت سنتين ما اطلع من بيتي بس اجى هاد قلب حياتي حكالي قديش حلوة وصار يهتم فيي ويقولي أنا بطلقك منو قلتلو ما بدي اتطلق أنا بحب اولادي حتى لو كان ابوهم خيال بهالبيت المهم إني ما اتطلق ... والله يجي على جهة المنطقة لما اكون بالسوق يعطيني هدايا والله ما يخلي وقت الا يرن عليي فيه وزوجي أصلا ما كان يسأل فيي ولا أحس أني زوجته وعلاقتنا فقط أطفال وبيت وطبخ وتنظيف وأحس عندو الاهتمام ... في يوم عملتلو بلوك لكل شي بس لحتى أخلص منو ويحل عني ... عمل تلفونو رقم خاص ورن ورديت طلع هوه هددني وحكالي والله لو بتموتي ما بتركك وانا يا بنت الناس بدي اياكي بالحلال والله يشهد إنو ما قدر ياخد شي مني والفضل لله ... حكالي روحي عند اهلك احردي وانا بوكلك محامي لأنو حرام وحدة زي القمر تضيع عمرها مع هيك واحد ... والله أنا فعلاً كنت حابة إني أعيش زواج حقيقي وأحس إني متلي متل أي ست بالكون ... وصار الأمر وتطلقت بعد معاناة عن طريق المحامي وبعد العدة خطبني وتزوجني ولكن أهلي كانوا رافضين لأنو أنا صارحتهم بانو هوه اللي ورى قصة طلاقي وكنت مترددة إني اقبل فيه لأنو أنا ما بعرف شو يعني ضرة ... ولكنو حكالي إنو هيه أكبر منو وما في بينهم حياة وما بتيجيلو نفس فيها وهيه مريضة وعايشة عالادوية ... وانا بطلع من عمر بناتها لو تزوجت صغيرة تزوجت واهلي حكولي لا ترجعي تقولي ندمانة لأنو اللي تاجرتي فيه ما بخاف الله ما كنت اصدقهم كان حبي الو مسكر عيوني وسمعي .. تزوجني بدون مهر ولا كسوة ولا دبلة ولا عفش ولا أي شيء يذكر .. حكى إنو حيعوضني واللي بحكي مراية الحب عمياء صادق إذا أحب القلب قلبا لا تبصر العين عيبا قعدت على فرشتين وسكتت على أمل على أمل انو يسأل لكن لا حياه لمن تنادي صار يجيب أكل لحتى اطبخ لأنو زوجته ما بتعرف تطبخ واكلها بقول بياكلو مجاملة أنا ما بسأل شو بدك وشو ناقصك فقط خدامة وطباخة وللفراش فقط وكان معاي طفلتي الصغيره وكنت اخد الها نفقة طبعاً هوه رفعلها نفقة وكنت اشتريلها حفاضات واغراض واشتري إلي اشياء بتلزمني متل مزيل العرق أو كريم ... لأنو ما بقبل يصرف عليي ولا يعطيني قرش اجيبلي غرض وطلعت حامل بعد الزواج بشهر وانبسط كتير .. وبعدين صار يضربني لحتى ينزل من تمي الدم ويضربني ضرب العبيد ويصير يبكي عليي بعدها كان ضاربني وطلع من البيت ولما رجع كنت ببكي عالتلفون لاختي الكبيرة واحكيلها انو هداك صح عاجز بس أحسن من هاد وما كان يضربني ولا يحرمني .. هاد فقط ماخدني لغريزتو ووهمني إنو بحبني كاين يتسمع ودخل متل الرصاص وضل يضربني بوكسات ويكسر راسي ويدعس على راسي برجليه ويقطع بشعري ويضرب وأنا مو صاحية ليش كل هاد والله أبوي وأمي بعمرهم ما ضربوني واجيت بدي اطلع تزكرت انو هاد اختياري واهلي تخلوا عني بسببو صار يبكي عليي لأنو بدون وجه حق ضربني وحكالي إنتي حبيبتي بعد ما نزل الدم من وجهي وتمي وتورمت واذاني مزبوط تاني يوم صار يدللني متل الطفلة ويحكيلي إنو هوه متل الأب إلي عم بادبني ولما بطلت اتجاوب معاه ولا أحس فيه انجن قلتلو إنت كسرتني ومو قادرة انسى ولولا خسرتني أهلي كان ما ضليت المهم بعديها صار دائما يضربني ويرجع يحن عليي بس صرت اكرهو وما اطيقو ومرة ضربني بالعيد قدام اولادي صار يكسر براسي بقزاز السيارة ويعضني ولحد الان بضربني وأنا مو عارفة شو اعمل وشو الحل لحد الليلة الماضية كسرني لانو كان بخطط عشان اولادي ياخدهم ابوهم واصفي لحالي والله تعبت بيقولي إذا تاجرتي بيت لغير اعملك قضايا الها أول ما الها آخر وطلاق ما بطلقك بيقولي والله لاخليكي تموتي ألف موتة والله صرت ادافع عن حالي من جديد ويضل يغلط وارد الغلط بس عالفاضي ما بيهتم بخليني مكسرة لأنو ما بقدر عليه وعارف إنو ما إلي حدا ألجأ الو خربها عليي من كل الجهات ربي ينتقم منو ... اوعكم تصدقوا متجوز والله يا ريتني ما شفتو ولا شفت هالجيزة ربي ينتقم منو باعز ما عندو قال شو بحبني كزاب والله العظيم كزاب بدو ياخد ابني البيبي مني ويطلعني مجنونه شو اعمل منشان الله ... . عادي أنا الحق عليي إني مو فاهمة هالدنيا ولا إلي تجربة مع البشر كنت بدي اروح على حماية الأسرة بس والله ما بعملوا اشي حكي فاضي وبس شو اعمل بهالبلد اللي ما بخافوا ربنا في المطلقة أنا من الأردن والله بناشد الملكة رانيا وجلالة الملك عبدالله إنو يخلصوني منو والله لحقني بالسكين بدو يقتلني هربت عند اولادي وصحيتهم هرب لحتى ما يشهدوا انو ماسكلي سكينة منشان الله شو اعمل إذا صارت جريمة قتل بتحكوا ليش لأنو ما في حدا يردع اللي متل هاد حلوها مو قادرة اتحمل ومو قابل يطلقني وبهددني ياخد ابني ويقتلني