تورمت عيناي من البكاء بسبب الإهمال والقسوة

السلام عليكم ورحمة الله وبركاته. بشكر كل القائمين على هذا الموقع الرائع. بدخل مباشره في مشكلتي. انا عمري23 متزوجه لي 7 سنوات. زوجي هو ولد عمي عمره25 سنه. بداية زواجنا عشت ايام جميلة جداً جداً وكان زوجي حنون ورومنسي ويدللني ويسمعني كل كلمات الحب والغزل لحد ماصار لنا 3 سنين وبعدها صار يتغير شوي شوي لاانكر هو لحد الحين طيب نوعاً ما وتمر عليه أوقات يرجع رومنسي وحنون لكن اغلبية الايام قاسي علي كثييييير كثييير. مشكلتي اللي منغصه علي عيشتي هو لأنه يطلع برا البيت دايماً ويروح عند جدته واخواله او زملاه او الاستراحه دايماً يطلع الفجر او 6 الصبح لحد الليل على 10 او 11. انا تعبت نفسيتي لاني اكون وحدي كل هالوقت ماعندي احد اروح لهم. هو لما بيرجع بيرجع رايق عالاخر لكن انا بكون منفسه كثير لاني كنت وحدي طول اليوم ف تجيني الغصه وابكي راح عمري وانا ابكي قهررر عيوني تورمت من البكي لما اطلبه يطلعني يتعذر بأي شغله واحيانا يقول تعبان مع انه مو تعبان ولا شي بس مايبي يطلعني واذا صار وطلعني بس فرفره في السياره ونرجع. نفسيتي تعبانه كثير طول الوقت وانا ابكي اعرف البكا مايفيد. لكني مقهوره كثيير انا عندي طفلين واحد 5سنين والثاني سنتين. وهم مرره متعلقين في ابوهم. نمط زوجي غربي جنوبي وانا نمطي شرقي جنوبي. ارجوكم ساعدوني الله يجزيكم خير الجزاء.