صورة علم Saudi Arabia
من مجهول
منذ شهران 76 إجابات
0 0 1 0

زوجتي تهجمت على أمي وضربتها ومع ذلك أحن لها وأفكر بإرجاعها

السلام عليكم انا مشكلتي بدأت من اقل من سنة وانا ليا متزوج تقريبا عشر سنوات وعندي بنتين الحمد لله المشكلة بدأت لمن زوجتي بدأت تروح وتجي مع صحبتها كانت معاها في المدرسة وصحبتها من النساء المنفتحات وتمشي كاشفة ومتبرجة وهيا مطلقة وتدخن وصارت حرمتي تروح وتجي معاها السوق وفِي البيت عندها وقالت جيب شغالة وأبشر بكامل حقوقك الزوجية فطور وغداء وعشاء واللي تبغاه ويوم على يوم التقصير كل ماله يزيد وبدات حرمتي تخرج بدون أذني وصارت تمشي كاشفة وكلمتها اكثر من مرة وآخر شي قالت ابغى اشتغل في سوق وما حاكشف وحلفت واتعهدت انها ماتكشف ويوم في رمضان اشتريت حذاء ورحت ابغى اوريها هو في المحل والاقيها جيا من بعيد وكاشفة انا ماحبيت اسويلها مشكلة في السوق ورجعت البيت وقلتلها عالغلط اللي سوته وقالت انا حاستمر في الكشف وهذا اللي عندي المهم صارت كل يوم تخرج زي كذا وانا الصراحة انسان غيور وما ارضى اي احد يشوف حرمتي او يستمتع بجمالها غيري وكان ثاني يوم عيد ميلادها واحتفلنا والتسحرنا في مطعم فخم مع بناتنا وجبت لها هدية طقم ذهب عشان ترضى وتسمع كلامي ونبعد عن المشاكل وثاني يوم هيا جاتني وقالت انا ما اقدر اخرج اللا وانا كاشفة وقلتلها هذا اخر كلام عندك وقالت ايوه وقمت طلقتها طلقة واحدة وجلست هيا بعدها كم يوم في البيت بحكم عدة المطلقة وبعدها حصلت المشكلة الأكبر في تاريخ زواجنا يوم ٢٨ جات امي فوق عندي ودقت الباب وقالت للشغالة تعالي اجلسي تحت مع البنت الصغيرة (بنتي) ورفضت الشغالة انها تنزل وزعقت على امي وامي نزلت تحت بعدها نزلت حرمتي تحت عند امي واتهجمت عليها وضربتها وسبتها وماخلت فيها وانا كنت برة باكمل أغراض العيد وفجاءة امي تتصل عليا تقولي تعال الحق حرمتك ضربتني وسبتني وقدفتني وأختي الصغيرة كانت موجودة وشاهدة عالموقف المهم انا جيت بسرعة وطلعت شوفت امي واتاكدت انها مدت يدها على امي وطلعت سألتها قلتلها انتي مديتي يدك على امي قالت ايوه قلتلها اتحملي ما يجيكي وفعلا اتصلت على الشرطة وجات الشرطة ودقيت على اخوها وجا المهم اخوها أتعهد انه يأخذ حقي وحق أمي وجابها بالقوة واعتذرت حقيقة بدون نفس منها وانا بعد العيد حقيقة رحت المحكمة وكملت إجراءات الطلاق والبنات اتفقنا نخليهم عندي وصارت كل اسبوعين تاخذهمتشوفهم وانا حقيقة حسيت بنوع من الاشتياق بعد فترة لزوجتي واستخرت الله تقريبا ١٥ مرة ونتيجة الاستخارة اللي حسيتها انه في ناس بتنصحني انه أرجعها وأهلي ما يبغوني أرجعها وامي حلفت قالت والله ما ترجعها في ذَا البيت وانا الان ما اقدر استأجر شقة خارجية لانه جبت شغالة اندونيسية لبناتي وكلفتني تقريبا ١٠٠٠٠ ريال والآن هيا رافضة انها ترجع وتقول انا ابغى أعيش حريتي وابغى اشوف حياتي وزادت علاقتها في صحبتها اكثر من اول والآن عندها نية تبغى تسافر مع صحبتها مصر وتبغى تكشف شعرها هناك ويمشو على كيفهم انا والله تعبت نفسيا من كثر التفكير لانه حقيقة انا احبها وابغاها بس ما اعرف هل انا صح اذا رجعتها او غلط ماني عارف ايش اسوي ملاحظة : من عيوبي كانت معاها أني ماكنت انام معاها في غرفة وحدة لانه هيا كانت تشخر وانا نومي خفيف حقيقة وماقدرت أتحمل شخيرها وتقول أني بخيل مع أني كنت اعطيها شهريا تقريبا ١٥٠٠ ريال وكسوة العيد ٥٠٠٠ ريال وعيوبها : ماكانت تصلي اللا يمكن فرض واحد في اليوم وتتكلم عند اَهلها عني دائماً بسوء واي مجلس تكون فيه وايضاً طول السان عليا في البيت وعدم الاحترام الى ان أصبحت ابادلها بالمثل أرجوكم حلو موضوعي لانه باقي على انتهاء العدة تقريبا اسبوعين ولكم جزيل الشكر والتقدير واخوانها رافعين يدهم عنها وابوها متوفي من ٣ سنين وشكرا