عشت خيبة أمل عندما علمت بعلاقة زوجي بحبيبته السابقة

add_commentأضف إجابتك

thumb_downلم يعجبني0

متجوزة وعندى ٤ اطفال ولدين توأم فى kg2 و ولد اصغر وبنت عندها ٤ شهور ونص جوزى دكتور اتجوزنا عن حب على الرغم من انه كان دفعتى بس مكنش فيه بنا تعامل نهااائى والدته كانت مدرسة فيزياء عندنا فى الثانوى كانت بتحبنى جدا كانت ب٠صراحه وبدون مبالغه ام ليا كانت دايما تشرحلى من غير ما اطلب منها وفى المدرسة تقعد تحل معايا وتفهمنى ومن هنا جيه التعارف بينى انا وجوزى عشان كانت بتشرحلنا سوا وبعدين وانا فى ٣ ثانوى والدى و والدتى سافروا عمره وفى الفتره دى مدرستى كانت بتصر اروح ليها البيت بحجة تشرحلى والاقيها مجهزالى اكل اكل معاهم وكانت بتبعت اى حاجة احتاجها و اكل ليا فى البيت مع ابنها اللي قدى لان كنت قاعده لوحدى اخواتى متجوزين وعايشين بره مصر واخويا كان بيدرس طيران فى اكاديمية اكسفورد فى الخارج يعنى كنت لوحدى هو كان مرتبط بواحده فترة سنتين وبعدين سابوا بعض اتجوزنا وكانت حياتنا زى الخيال بالظبط من حب ورومانسيه وتعاون واحترام ومشاركه وثقه و تفاهم متبادلين كانت حياة مثالية اكيد كنا بنتخانق وبتحصل مشاكل زى اى اتنين متجوزين بس عمر ما فيه مشكله حد عرفها لغاية من فترة واحده صحبتى ولدت روحت ابارك وهنا شوفت البنت اللي جوزى كان مرتبط بيها وفى وسط الكلام لقيتها ذكرت ان جوزى بقى شكله اجمل لما ربى دقنه تجاهلت كلامها مع ان دمى انحرق ولما روحت والاولاد ناموا روحت لجوزى وبمنتهى الحنينه نمت فى حضنه وحكيتله كل حاجة حصلت حتى الموقف داه وقولتله هو انت قابلتها امتى يا حبيبى قالى من فترة والدتها تعبت وكلمتنى اشوفلها دكتور مختص يكون شاطر عشان كانت عايزة تسفرها بره وكلامنا انتهى عنها هنا وحياتنا مشيت عادى لغاية ما ابنى جاب موبيل جوزى وبيعيط عشان اشغله عليه كرتون لسه راحه افتحه لاقيت رساله ظاهرة من بره بتقولوا وحشتنى انا طفيت الموبايل وشغلته تانى على اساس بيتهيألى وطلع فعلا جوزى والبنت دى رجعوا لبعض من حوالى شهر وانا زى الغبيه المهم لابست الاولاد واخو جوزى خدهم يفسحهم مع اولادة و انتظرت جوزى عشان كان بره ولما رجع اتخانقنا انا فى الاول فتحت معاه الموضوع بهدوء تام بس هو على صوته واتعصب وانا فى المقابل اتعصبت وقال ادام مقصرتش معاكى مسمعش صوتك قولتله وانا قصرت فى ايه عشان تعمل كدا قالى انا معملتش حاحة غلط وكمان من حقى اتجوز مرة واتنين وتلاته قولتله دلوقتى افتكرت انه من حقك وطب حقى فين ان اعرف ويبقى ليا حرية القرار اكمل معاك ولا لا ادام ناوى تتجوز ولا ناوى تتسلى بيها انت كمان زى ما اغيرك اتسلى جابنى من شعرى لدرجة فضلت ركعة على الارص و شعرى كان هيطلع فى ايده بس مضربنيش وقالى فوقى لكلامك عشان متوصلنيش لدرجة تندمى عليها زقيته ودخلت خدت بنتى وقولتله انا فى بيت اهلى وكلامك مع اخواتى قالى مع الف سلامه وخت بنتى ومشيت وكلمت اخو جوزى يرجع الاولاد عند بيت اهلى اخويا لما عرف اللي حصل كان هيتجنن ازاى جوزى يعمل فيا كدا وحماتى مكنتش في البيت يوميها وجاتلى اول ما عرفت تبوس راسى وتقولى حقك عليا وجوزى كان شايف نفسه صح وكان مفكرنى هخاف وارجع بس انا بقالى عند اهلى شهرين ونص تقريبا ٣ شهور سابنى اول شهر زى الكلبه كان بيبعت بس فلوس مع اخواته وفضل يهدد بالطلاق وان انا قدامى فرصه لو مرجعتش البيت خلال شهر هيطلقنى ولما لقانى مرجعتش بدأ بخاف وبعد عن البنت نهائى هو بعد عنها اصلا فى اول يومين انا سيبت فيهم البيت وقطع علاقته بيها بس كان مفكرانى مش عارفه وبعد شهر بدأ يجى البيت لينا بحجة الاولاد مع انه كان بيشوفهم بره البيت وحاول يكلمنى بس كنت برفض وكنت مصره ان كلامه مع اهلى بس هو مكنش عايز يقعد قعده وحد يصغره انا فهماه كويس اوى وفاهمه تفكيره حاليا هو طلب من اهلى يعملوا قعده وراح وحق نفسه واعتذر وقالهم جذمتها على راسى وانا غلطت فى لحظة ضعف بس انا مكنتش اقصد كل اللي حصل وطبعا بالنسبه للكل ولاهلى حقى رجع وهو طلب ارجع البيت وطلب يكلمنى واحضر القعده وكل طلباتى هينفذها بس انا رفضت بعد الفضيحه اللي حصلت والبهدله دى وكلام الناس ونظرة الشماته اللي شوفتها عايزنى انسى كل حاجة فى لحظة كان ممكن الوجع ميبقاش كدا لو كان كل داه حصل فى اول شهر من غير فضيحه وبشكل ودى مكنش الالم هيبقى كبير كدا انا مفروض كنت ارجع من اسبوع بس انا رفضت وقولت لاهلى هاخد وقت هما بيصروا عليا ارجع البيت السبت يعنى فاضل كام ساعه وامشى بس انا مش قادرة جوايا شئ انكسر صعب السنين والوقت تعالجه انا كنت بثق فيه اكتر من نفسى هو كان جوزى و حبيبى وصاحبى ومرايتى وعمرى كله وفى اللحظة كدا يحصل كل داه زى ما اكون كنت فى حلم جميل وصحيت على كابوس مرعب ياريت بلاش تعليق ما يتجوز وحقه عشان انا مقصرتش فى حق واحد من حقوقه وهو ذات نفسه قال كدا حتى ابسط حاجة الخلفه خلفت ٣ مرات عشان كان نفسه فى بنت وربطت نفسى بمسؤليه كبيره فى سن صغير كله عشان هو يتبسط انا من كمية الضغط النفسى خسيت ١٩ كيلو فى ٣ شهور بس تعرفوا ان قبل خناقتنا بكام يوم كنا فى فرح واحد زميله ورقصنى سلو وفضل واخدنى فى حضنه واحنا بنرقص وبيقولولى كلام حب زى العشاق بالظبط اعماله الحلوه معايا دى اللي مصبرانى على اللي بنمر بيه
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي
    أخصائية علم النفس والتثقيف الصحي ميساء النحلاوي verified_userشكرا لم سيدتي على ثقتك بموقع حلوها . لا تدمري حياتك الزوجيه ومستقبل أولادك من أجل نزوه ، ضعف فيها زوجك. أنت تحبيه وهو كذلك بدليل تراجعه وقطع علاقته بتلك المرأة. يجب أن تغفري وتنسي ما حصل وتحاولي أن تعودي كما كنت معه قبل هذه القصة، هذا ليس سهلا بالطبع ولكن الأيام كفيله بذلك. والدته تحبك ومكانتك محفوظه عنده وعند عائلته وقد أخذت موقفا فهم من خلاله أن أي تلاعب سيدمر عائلته . لقد انشغلت بولاداتك وأطفالك وهذا طبعا لا يفسر ما فعل ، ولكن بعد فتره من الزمن سيكبر الأطفال وستستطيعين تخصيص وقت أطول له والاهتمام بنفسك . عودي لبيتك وعودي كما كنت من قبل مع زوجك فكل زواج يمر ببعض المحن والحب يتغلب على كل الصعاب.
  • صورة علم Egypt
    صورة علم Egypt
    مجهول
    الفضايح والمشاكل الناس هتنساها لما يشوفوا جوزك واخدك من بيت اهلك بنفسه و معلش سامحيه الشيطان وحش وتلاقى حصل غصب عنه لانها حبيبته القديمه ونسى ان فى زوجه واولاد الواقع انك انت اللى معاه مش هى
  • صورة علم
    صورة علم
    مجهول
    اِشعر بمببلغ الجرح الذي تشعرين به ولكن صدقيني يجب أن تنسي هذا الماضي لتبدأي من جديد على الأقل من أجل أولادك ، فمن غير ابيهم يستطيع أن يحتويهم ويكون لهم الظهر ويكون لك ايضا في الحياة ، استغفري الله وعودي
  • صورة علم
    صورة علم
    مجهول
    أرى أن بينكما الكثير من الأشياء الجيدة والذكريات السعيدة فضلاً عن أولادك ، وهي أشياء كلها تجعلك ترجعين له مرة أخرى ، خذي تلك الخطوة ولا تترددي
  • صورة علم
    صورة علم
    مجهول
    قبل أن تعودي إليه عليك أن تتأكدي أولا من أنه قطع علاقته نهائيا بها وتحصلي على الضمانات انه لا يخونك ولا يفكر فيها
  • صورة علم
    صورة علم
    مجهول
    أرى أنه طالما إعتذر فلا مشكلة في العودة له من جديد ،رأيت في حياتي العديد من مثل هذه التجارب ، ولكن النهاية تكون مع الزوجة والأولاد ، ويعود الأب إلى دورة الطبيعي تكون وسوسة من الشيطان
  • صورة علم
    صورة علم
    مجهول
    عزيزتي كل الأزواج يمرون بمثل هذه المرحلة في الزواج ، فالرجال بطبعهم يحبون التعدد ويحبون ان يعرفوا أنهم مرغوبين ، ولكن الاهم ان عاد وقطع علاقته بها وعرف خطأه فسامحية وافتحي صفحة جديدة معه
  • صورة علم
    صورة علم
    مجهول
    خيانته لكي وقعت مثل السيف في عنقك ومن الصعب عليكي ان تنسي ما فعله لكن هو نادم ويريد لم شمله فلا تكوني السبب في بعد ابنائك عن والدهم ،، حاولي ان تعودي بالشروط التي انتي تضعيها ولكي يعود كل شيء كالسابق
  • صورة علم
    صورة علم
    مجهول
    ان كان تاب توبة نصوحه فلا مانع بان تعطه فرصة لكي يعوضك عن الايام السابقة التي عشتها فكل رجل له نزواته وحاولي ان تغفري له
صورة علم United States
أضف إجابتك على السؤال هنا