صورة علم Saudi Arabia
من مجهول
منذ 5 شهور 16 إجابات
0 0 0 0

عشت معه على المرة قبل الحلوة وتحملت ظلمه وأهله ومع ذلك مصمم على الطلاق

أنا عمري 21 سنة متزوجة من أربع سنوات و زواجي كان عن حب سنين و حبيتو كتير وتعلقت فيه كان اول شخص بحياتي وكنت صغيرة وعيت عليه وتمنيت كمل عمري كلو معو انا كنت عايشة برات بلدي بسبب الحرب وهو كمان كان ببلد آخر اجى لعندي و اهلو حكوا مع اهلي وتمت الخطبة و بعدين سافرنا سوا على بلد تانية و اتزوجنا هنيك وانا ما شفت أهلو بالمرا كنت دايما اتواصل معهن عالتلفون المهم حملت بأول زواجي و كانو كل ما يحكو معو اهلو يقلولو نزيل لهون بلدك .. تركها ونزيل وانا كنت حامل ضل سنة ونص بدون شغل و تحملت وصبرت والله ما اطلب منو طلب واهلي يصرفو عليي انا وياه ولا بينلو وقلو معلش حبيبي انا معك عالمرة قبل الحلوة و كنت ما حسسو انو متدايقة من الوضع ابدا و سايرتو كتير و حتى اذا زعلني وغلط بحقي انا صالحو مشان ما يستمر الزعل لانو ما بيعترف بغلطو بنوب وقفت بوش كل حدا من اهلي كان ضد زواجي منو وتحديتن انو هو انسان منيح وبيخاف الله وفعلا كان يصلي و يصوم بس معاملته معي ما بتدل انو بيخاف الله فيني كان مهمشني وما اعرف عنو شي ابدا أي شي إسألو يا لو شو ما كان يقلي ما دخلك لا تتدخلي بحياتي مع انو كان بيحبني و قبل ما اولد بأسبوع اشتغل واتوظف و لما ولدت رجعت من المشفى تعبانة ومسطحة حاكى اهلو مكالمة جنبي صارت تقلو امو ما تقوم تعملك عصير و تهتم فيك مع انو انا كتير نضيفة ومرتبة و بهتم فيه وبدور على الشغلات يلي بتسعدو وأعملها على اكمل وجه والله العليم بس كنت نازفة من الولادة وتعبانة صار ينكشلي مشاكل انا كنت بعرف اهلو بيحكو عليي مع انو والله عاملن افضل معاملة ودائما حاكيهن كلام حلو بس ما بعرف ليش ما حبوني كنت عاملهن بأصلي كل شي كان بموافقتن بس يمكن حسو بالغيرة لما حسو اديش منحب بعض مع الوقت من كتر الحكي صار ينفر مني و يضل يبهدل وما يهمو اذا عصب ادام اي حدا بيعيط و بيهيني وحتى ابني كان بيبي ما حسو متلهف ليحملو ويشوفو وصار يتأخر كتير عن البيت ولما يجي يقلي ليش مستنيتيني انا ما بدي منك شي نامي و صار يحط موبايلو تحت المخدة وينام و صرت حس أديش روحي مكسورة بعدين اكتشفت محادثات و تسجيلات صوتية و صور انو حابب وحدة من البلد يلي نحنا عايشين فيه وواصل معها للزواج و ياخدلا الهدايا الفخمة ويصرف عليها وانا والولد بامس حاجتنا الو ما يسأل علينا ويقلي ما معي وراتبي يا دوب عم يكفي اجار بيت و فواتير وكنا ساكنين مع اهلي لانو مو قدرتو يستأجر بيت لحالو بعدين اكتشفت انو راتبو عالي وبيكفينا اجار بيت و منعيش بس كان مخبي كل شي عني وما اعرف عنو شي و البنت يلي علقها مو حلوة ابدا و انا احلى منها واصغر صار مو شايفني بالمرا وكل شوي يقلي ياريت معي نقدك لطلقك اكتشفت خيانتو وواجهتو ووصلنا للطلاق بعدين والدتي ووالدي صالحونا وما قدملي ولا كلمة اعتذار وقبلت وسامحتو لانو كنت بحبو كتير وما بقدر اتخلى عنو واعتبرتا نزوة ومرقت و عشنا مع بعض بعد هالقصة سنة بعدين صار يقلي اهلي عم يقلولي نزيل زيارة مشتاقينلك وأصر عالنزلة ونزلت معو قلت اهلو عن قرب بيحبوني وبيشوفو محبتي ألهن و طيبتي وبيشوفو أبننا نزلنا على أساس زيارة صار بدو يستقر بالشام مع أنو مافي شغل و بلد منكوبة بسبب الحرب إضافة لهيك أهلو يضلو يعملولي مشاكل ويألفو عليي و يقلولو عملت وساوت وما عم تشتغل والله يعلم شلون عاملهن كأنو اهلي و اسمعن عم يحكو عليي بأدني و اعمل حالي ما سمعت شي بعدين وكم مرة اختو صرخت فيني وبهدلتني اختو عمرها 45 سنة غير متزوجة وامو وابو والبيت كان صغير وغرفة نوم مالي كنت نام بغرفة الضيوف انا ويا موجود فيها تخت وسكتت كرمالو وصارو يعلمو عليي كل شوي يقلي روحي لعند اهلك ما حدا بيطيقك بهالبيت و رحت لعند أهلي اعدت شهرين ونص ولا سأل عني و شو ما يحكو اهلو يسدقهن ولا دافع عني بكلمة.. تدخل أخي لانو بيكون رفيقو وحكى معو وقلو اختي بدا تاخدلا بيت لو غرفة ومنافعها المهم لحالي بعيد عن المشاكل رفض وقلو لاخي خزانة مالي مستعد جبلها اذا بدا ترجع او الطلاق ما عندي خيار تاني رجعت لعندو مع انو اهلو ظلموني وهو ظلمني لانو يصف معهن و يجرحني ويبهدلني جنبن خزانة ما جابولي حط فيها ملابسي ضلو بالشناتي اعدت كم يوم ورجعو عملولي مشكلة انو الحمام يلي ساويتو مو نضيف وانو ما عم اشتغل كأنو بيتي و هو سدق اهلو وصار يفرجيهن انو هو معهن ويقلي اي مو نضيف ويقلن الحق معكن انا صرت ابكي شو ما بعمل ما اعجب حدا بطبخلن و اكل ظريف و بساوي البيت وبساعدهن و ما بيذكرولي منيحة بيضلو يحكو عليي قلتلو طلعني من هون والله ماعد فيني قلي انا من بيت اهلي ما بطلع بدك تموتي هون فهمي على حالك و حاج تعملي مشاكل من وجهة نظرو اهلو على حق لو شو ما ألفو عليي قلتلو ما بدي تنزاعل اكتر طلعني بس هو رفض بالمراوصار يقلن لاهلو لوم معي نقدها لطلقتا ما بدي ياها وما بحبا قلي رح اخد منك الولد و طلعلك ورقة مجنونة و اتزوج وخلي مرت الاب تربيه انا انهرت بعرف انو كان معصب بس خفت اخسر ابني هو كل حياتي وترك البيت وراح وقلن لاهلو مالي جاية بنام بالحاوية ولا بنام معها بنفس الاوضة اخدت ابني ورحت على بيت اهلي حسيت حالي مكسورة من جوا ضليت 12 يوم عند اهلي وما سأل عنا انا والولد وصار يحكي مع اخي وقلو اختك عم تتهيئ وتتخيل شغلات مو صايرة اهلي عم يعاملوها منيح بس هية بدا علاج انا انقهرت منو اكتر انو مستعد يعملني عم أتخيل واتهيئ كرمال اهلو يطلعو صح انا كل عمري بقلو امك واختك و اجبرهن الله بيكرمك بس رضا الأهل مو انك تظلم مرتك مو هيك الرضا( وبيسمح لأي حدا يتدخل بحياتنا بياخد برأي الشخص لو كان غريب )لما لقيتو رافض رفض تام ياخدلي بيت وكان مستعد يطلق قلتلو كم مرة امشي نسافر حرام نضيع حياتنا بالمشاكل هنيك بتقدر تشتغل وتستأجر هون مافي شغل كان يقلي انا حياتي الزوجية بدك تعيشيا معي هون من هالبيت ما بطلع بدك تعيشي معي بدك تضلي هون مستحيل اطلع من بيت اهلي ووصلني لطريق مسدود اخدت ابني وسافرت من قهري منو وكنت بدي يا يلحقني ونرجع عيلة وحدة برغم كل المشاكل افضل من العيشة يلي عشناها انا سافرت انا واهلي و خبرتو لما طلعت من البلد صارو يطعنو بشرفي و يحكو عليي وانا بعدني على زمتو لهلئ صرلي سنة واربع شهور وانا صاينتو وبحبو و وفية ألو وبخاف من ربي و ما بقطع فرض صلاة من وقت ما طلعت وانا احكي معو وقلو تعال ننسى الزعل ونبلش من جديد ( برغم انو بعرف هو مع كل العالم حتى مع الغريب عليي ما بحسو سند ألي و ما بيهمو قهري وزعلي كل هالمدة وهو يصدني ويبهدلني و يقلي مستحيل ارجعلك ..بقلو ابننا خلي يربى بيناتنا و ما بيسأل ولا يبعت رسالة ابعتلو صور الولد وفيديوهاتو ولا يعلق و لا مرة بعتلو مصروف ووصلت معو انو مستعدة انزل كرمالك ونتصالح انا واهلك ونصفي القلوب و خدلي بيت لحالي رفض وكسر بخاطري ويقلي كلام كلو شتائم واهانات بحقي وبحق اهلي و يقلي ما بدي ياكي .. ( انا حبيتون عمحبتي لابنهن وعاملتن متل اهلي بس لما نزلت انصدمت انن ما بيحبوني وما بدن ياني ) ومع انو لهلئ أهلي بيحاولو يصلحو وكانو واقفين معو بغربتو وجنبو متل الاهل واكتر بس هو نكرني انا مصدومة فيه وفوق ظلمو ألي وانو خذلني بأمس حاجتي الو صار يقلي انتي سافرتي و تخليتي وتحملي نتيجة يلي عملتي مع انو هو يلي كان يقلي ما بدي ياكن خدي الولد وسافري حتى سيطرت الفكرة براسي انو هو عن جد ما بدو يانا وانا بحبو كتير لو مو عن جد تعبت وماعد فيني ما بطلع بقى انا تعبت كتيييير من التفكير وما عم نام و صدري دائما طابق وكاتم نفسي يعني انا سافرت لانو سد كل الطرق بوشي ومشان يلحقنا ما تخيلت يتنازل عني وانا تنازلتلو كتير حاولت كتير وكل ما احكي معو وقلو بنزل لعندك يقلي بكرهك وما بدي ياكي وانا مليون وحدة بتتمناني وكلك مالي شايفك و دعى على ابنو مرتين بالموت قال كل شي منك ما بدي يا حتى ابني حسيتو حط قصة سفري حجة ليتخلص من مسؤولية الزواج أنا برغم كل عذابي معو ذاكرتي بتذكرلي بأيامنا الحلوة سوا أكيد كان النا أيام ولحظات حلوة مع بعض بتذكرني فيه لما حبيتو و كان صادق مو هو بعد ما اتغير وماعد عرفتو من حقدو وكراهيتو كل ما بذكرو بذكرياتنا ما بيذكرلي غير قصة سفري نسي كل شي عشنا و باع العشرة وكأنو لقاها حجة ليتركني.. حواليه كتير بنات بيحكو معو صار يشوف حالو و ماعد حس بالقناعة أتجاهي.. يلي بيحب ما بيتخلى أنا أديش ظلمني و حسيت حالي مالي قيمة عندو بس ما كرهتو و لا نسيتو يلي بيحب بيسامح .. مع انو انا من اول ما اتزوجت اشترطت عليه انو انا ما برجع على بلدي لانو طلعت منها بسبب الحرب ما برجع لتهدا كل الاوضاع وتصير مناسبة للعيش و لما قرر ينزل نزلت معو على اساس نازل زيارة وراجعين بعدين غير كل كلامو و خلف بالوعد و صار بدو يستقر وتحملت كل الظروف كرمالو بس كنت عم استنى منو يحسسني انو هو معي بقلبو بكلمة حلوة لو كل العالم ضدي ما بتركو بس هو حسسني انو هو والدنيا كلها عليي وما طلبت الا غرفة مستقلة عيش فيها انا ويا فيها شي مو هي حق من حقوقي ؟ والله اتزوجني عالمحبس بس وما همني المادة ابدا لانو حبيتو بصدق وهلئ ما بدو ياني و هو يلي بدو يطلقني وما بدو يعطيني مهري( متنازلتلو عن مهري ما بدي طالبو بحقوقي لانو العشرة و كل شي عشناه سوا ما بتتمنها المصاري ) أنا التفكير حيقتلني ونفسيتي كتير تعبانة ومن كتر ما يعدلي موضوع سفري صرت حس بالذنب و صرت دائما فكر معقول انا الغلط انا كل مالي عم انحف وامرض من التفكير أرجوك ممكن تعطيني رأيك بقصتي آسفة عالاطالة بس حاولت اختصر قدر المستطاع وشكرا لكم ..

أضف إجابتك

صورة علم United States
السؤال التالي